Geguritan Puisi Jawa 'Pepeling' JIMF809
PEPELING
Dening Niken Haidar
#tantangannulisdinakaping809
#gurusiana
#mediaguru
Nyawang wewayange sarira kang ana ing njero kaca,
rasa kepingin ngrogoh tak genggem,
kanggo kanca sesambunge ati
Gandhes luwes isa ana
Prigel semanak isih kasandhang
Ning coba tak sawang maneh
Tak sawang nganti tumekane ati
Rikma wus akeh kang sinamburat perak
Pipi wus ora dekik
Kulit uga wus ora alus
Mripat uga ora pati padang yen nyawang
Aku mung ndhingkluk
Isin, isin jroning ati
Ora nyadari lelakune sarira
Ora nyadari akeh wicara kang lelara liyan
Ora nyadari ngibadah isih durung sampurna
Ora nyadari yen isih akeh keblinger donya
Duh Gusti
Sesambate ati
Nyuwun agunging pangapura
Agunge Pangaksami
Tahsih diparingi sesepe donya
Nikmate katresnane Gusti
Tahsyah diparingi pepeling
Nglurusake laku marang kabecikan
Pepujiku muga wektu kang isih ana bisa'a luwih pasrah
Sembah sujud kanthi weninge ati
Pepengetdinamijil14102021
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Sae sangettt geguritanipun
Maturnuwun bun apresiasinya