Tantangan menulis hari ke-1 ( dengan terjemahan)

FLAMBOYAN PALEBAH JALAN KA LÉMBANG

( Hariring Kuring Carita Urang )

Bagéan ka-1

BAGJA CAMPUR TUNGGARA

Peuting harita pikeun kuring minangka peuting nu éndah sakaligus peuting nu poék. Padahal bulan mah caang ngebrak, ditarétés béntang-béntang. Rasa éndah lantaran isuk rék ngamimitian sakola, ngan kasedih, kasusah, ngagulung asa baluweng.

Bisa asup ka SMA negeri ku kersana Gusti nu Maha Suci. Cukang lantaran bibilintik ti SMP kénéh sok dagang. Dagangan nu tatangga. Kayaning bala-bala, peucang (sampeu jeung kacang), géhu, gegetuk, goréng ketan, jeung és. Méh unggal poé kuring mawa dagangan ka sakola. Dagangan diwadahan kana baskom dituruban ku daun cau, ari és mah kana térmos és paragina. Kuring ngélék baskom di belah kénca bari nyoléndang kantong, térmos dijingjing di belah katuhu. Kuring teu ngarasa éra mawa dagangan ka sakola. Baheula waktu keur sakola SD ogé, lamun geus balik ti sakola sok dagang goreng kicimpring di lapang bari lalajo maén bal.

Rét kana jam, geus peuting. Éma tos mareuman lampu teras ka kamar. Apa ogé jigana tos tibra, teu humarurung baé. Rada mending ayeuna mah, da tuang ogé tos kersaeun. Ngan teu acan tiasa calik, da badé tuang ogé bari nyanda.

Hariring:

BAGJA CAMPUR TUNGGARA

Mungguhing bulan cahyaan caang

Nanging batin poék ku hahalang

Geuning kasusah teu weléh datang

Unggal peuting ... unggal beurang

Sanajan saliwat jiga marahmay

Padahal gumbira bagja téh lugay

Hayang kabagjaan terus nyampay

Nun Gusti mugia tunggara nyingray

Jalan nu kamari asa ngimpi

Jalan ayeuna asa sandiwara

Jalan nu bakal can katingali

Mugia tunggara jalanna bagja

Hawa tiris tina sela-sela bilik karasa nyécép ka sumsum balung. Asa teu bisa saré. Kabayangkeun baé, kumaha isuk sakola. Naha bakal jiga basa éta di SMP? Pinuh ku karipuh, kasedih kapeurih. Atawa béda? Can kabayang. Nu jigana bakal bangga. Pernah basa dagang dititipkeun ka Si Éma warung da ditawaran. Cenah pokna:”Senéng simpen wé di dieu dagangan téh.””Mangga, Ma. Punten atuh, hatur nuhun”walon kuring. Atuh dagangan téh teu pati payu, da dagangan nu di Si Éma mah rupa-rupa. Salian ti éta pernah aya nu meli bala-bala ngan digégél wungkul, teu mayar deuih.“Ah, tiis,”cenah ceuk manéhna bari ngalungkeun bala-bala ka baskom. Atuh kuring jadi geuleuh. Nu ningalikeun ogé jigana geuleuheun da teu jadi meli.

Dipeureum-peureum ogé, ieu panon hésé saré. Ti tatadi nyileuk baé. Ieu haté geus asa lungsé teu paruguh. Kuring lilir saméméh hayam kongkorongok. Rét kana jam nu ngagantung dina bilik. “Ah peuting kénéh,” ceuk haté. Dipeureum-peureum deui ogé panon teu daék tibra deui, da inget baé apan isuk-isuk rék ngamimitian sakola.

SUKA CAMPUR DUKA

Malam itu bagiku sebagai malam yang indah sekaligus malam yang gelap. Padahal rembulan bercahaya terang, dihiasi bintang-bintang. Rasa indah karena besok akan memulai sekolah, namun kesedihan , rasa susah berkecamuk .

Bisa masuk ke SMA negeri oleh kehendak Tuhan Yang Maha Suci. Lewat keuletan dari masih SMP suka dagang. Dagangan punya tetangga. Seperti bakwan, singkong kacang, toge tahu,getuk, ketan goreng, dan es. Hampir setiap hari aku membawa dagangan ke sekolah. Dengan wadah baskom ditutup daun pisang, sedangkan es di termos es. Kugendong baskom di kiri dan kujinjing termos es di kanan sambil menggendong tas. Dulu Ketika sekolah SD juga, sepulang sekolah suka dagang gorengan kecimpring di lapang sambil nonton sepak bola.

kulihat jam, Sudah larut malam. Ibu sudah mematikan lampu langsung ke kamar. Ayah juga sepertinya sudah nyenayak. Sekarang Ayah agak mendingan, sudah mau makan. Namun belum bisa duduk tegak. Mau makan juda bersandaran.

Senandung

SUKA CAMPUR DUKA

Sungguh rembulan bersinar terang

Namun batin gelap penuh penghalang

Ternyata susah selalu datang

Tiap malam tiap siang

Walaupun sekilas seperti berseri

Padahal senang suka telah berganti

Jalan ke depan masih sepi

Duh, Tuhan semoga duka pergi

Jalan kemari terasa mimpi

Jalan sekarang terasa sandiwara

Jalan ke depan masih sepi

Semoga duka jalannya suka

Udara dingin dari sela-sela bilik bambu terasa menusuk tulang sumsum. Seperti enggak bisa tidur. Terbayang saja, bagaimana besok sekolah. Apakah akan sama seperti waktu di SMP? Penuh dengan rasa cape, sedih yang perih. Atau beda? Belum terbayang. Sepertinya akan sulit. Pernah waktu dagang dititipkan ke Si Ibu warung karena ditawari. Katanya:”Neng simpan saja di sini dagangannya.” “Iya, Bu. Maaf, ya, terima kasih,”jawabku. Jadi daganganku gak begitu laku, karena dagangan di Si Ibu banyak macamnya. Selain itu pernah ada yang beli bakwan cuma digigit saja, tidak dibayar juga. “Ah dingin,”katanya sambil melempar bakwan ke dalam baskom. Aku jadi jiji. Yang melihat juga sepertinya jiji karena dia gak jadi beli.

Kucoca pejamkan mata, susah tidur. Dari tadi terjaga , melek saja. Hati ini suadah lunglai, cape gak karuan. Aku bangun sebelum ayam berkokok. Kulihat jam yang menggantung di dinding. “Ah masih malam,”batinku. Kucoba pejamkan lagi mata ini gak bisa nyenyak.Ingat terus besok pagi mmemulai sekolah.

Bersambung …

Lembang, 12/9/2020