Geguritan
Ing walik e Gendera
Nalika aku cilik
Nyawang gendera kang tumiyup angin
Ana rasa lan janji kang ora dak ucapake
Rasa lan janji kanggo bumi kelairanku
Rasa lan janji bocah kang ora ngerti wolak walik e jaman
Janji kang dak ikrarake nalika kembang tebu mekar
Janji nalika mangsa ketiga kang soyo garing
Nalika tresna makantar-kantar tanpa watesan
Nanging…saiki ora kaya biyen uni
Nalika nyawang gendera kang tumiyub angin
Rasa iku wis ilang
Embuh nang endi paran
Muspra, katiyub angin salah mangsa
Iki janji wantah kang kuciwa
Lantaran tingkah angkara murka
Kaya rahwana kang laku culika
Kaya kurawa kang serakah donyo brana
Gendera iku isih podho
Abang lan putih
Abang artine wani putih artine suci
Nanging……
Rasa ku wis beda nalika nyawang bgndera kuwi
Ing walik e gendera
Saiki ora ana seng sembada
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar