Assalamualaikum sanak...

Salamaek basuo kito baliak dalam tulisan barito bahaso

Minang. Salam hari akek ciek lu sanak, semoga sanak ambo ko lai segeh-segeh se handaknyo. Aamiin Ya Allah..

Oh yo sanak, Anam urang dari tujuah badunsanak hari ko kami bakumpua basamo-samo di alek adiak sepupu amak. Tampeknyo di perum Gaduik Sampiang kampus II FIP UNP. Sakali -sakali dalam satahun bisa bakumpua baradiak kakak hampir sadoe anak amak, duo kato nan pas untuak situasi perasaan nyo sanak yaitu lapeh taragak. Kalau basuo gak batigo urang se, aa lai gak acok sanak, sarupo anak ganteng amak nan dalam photo tu, sakali tigo minggu baliau ka solok alias ka rumah ambo mancaliak amaknyo.. Hehehe...

Tapi Kalau basuo jo baliau tu, gamang jo ibo hati sanak.. Apo sabab? Baliau tu urang tuo tunggal bagi ampek urang anaknyo. Anak-anak baliau sadang sikola, sadang butuah bana perhatian dan kasih sayang ayah jo ibunyo. Tapi Allah maha punyo kuaso, nan lah tibo janjinyo harus pulang menghadap Allah, harus dilapeh jo hati ikhlas, walaupun sangek barek manarimo kenyataannyo.

Namun kecek kawan-kawan baliau yang samo maja, " komandan ambo ko, luar biasa pandai menata perasaannyo". Tidak mudah menjadi seseorang yang mengalami hal yang sadang baliau alami kini. Kami saluut bana". Demikian carito kawan baliau wakatu ambo pai libur akhir tahun patang k Pariaman,. Di nan rami, yo sperti yang di photo tu lah ekspresi baliau sanak.. Tapi di lua itu, cuma Allah jo baliau sajo yang tau. Do'a ambo semoga baliau selalu sehat dan mampu membesarkan anak-anak sampai mereka punyo tanggung jawab sendiri. InsyaAllah