BATHIK

Anugrah Eka Putra Yulianto

M. Lutfi Ashari

M. Bambang Wiranto

Yafi Angzil Huda

Dina Rebo, Eka lan kanca-kancane sinau mbathik ing Aula.

Eka : Mbang, ayo ing Aula

Bambang : Arepe ngapa ing Aula?

Eka : Ayo sinau mbathik bareng-bareng.

Yafi : Aku kok ra kok jak?

Eka : Ya ayo mrono bareng-bareng!

Ing tengah dalan pinuju ing Aula.

Lutfi : Arepe ing ngendi iki kok rombongan?

Bambang : Kepooo....

Yafi : Bocah elek ora usah dijak....

Lutfi : Aku jak too...

Bambang : Iya, aku lan kanca-kanca arepe ing Aula sinau mbathik.

Satekane ing Aula Eka lan kanca-kanca diulangi carane mbathik sing apik.

Eka : Heeee... ayo lelehna malaeme!

Bambang : Emoh ngurusi malem-maleman.

Eka : Ndohhhh awakmu ngajak gelut ta?

Yafi : Heeee gak usah gelut.

Lutfi : Ya, bener ikuuu.

Yafi : Wis ayoo di kumpulna maleme!

Eka : Iki malemku.

Lutfi : Iki malaemku.

Sawise ngumpulna malem, banjur dilelehna. Eka lan kanca-kancane miwiti mbathik.

Yafi : Heeee..... aku tak nyidhuk dhisik ya?

Eka : Iyaaaa.

Kanca-kanca padha nyidhuk malem. Banjur dha netesna malem ing kain.

Lutfi : Ngati-ati... panas maleme!

Bambang,Yafi, Eka : Iyaaa!

Sawise netesna malem, aku lan kanca-kanca ngelir kain mau.

Yafi : Heeee... kaine ayo dikelir nganggo kuwas!

Bambang : Ayo... nanging aku ora bisa.

Eka : Mrene,takulangi!

Sawise diulangi Eka, kabeh wis padha isa. Saiki bocah-bocah banjur mepe kain mau.

Eka : Lha wis dadi.

Bambang : Iyaa!

Lutfi : Lha nggonku kok elek....

Yafi : Ndang nangis no, Lut.....

Eka : Iyaa jenenge sinau, ya elek dhisik. Ora apa-apa, sesuk ayo sinau mbathik maneh.

Bambang : Ya ngunu ta....

Eka : Sesuk bathike di gawa ya....

Yafi : Iya

Sesuke kain mau padha digawa dening bocah-bocah. Satekane ing kelas.

Bu Guru : Klompoke sapa sing bathike wis dadi?

Siswa : Kula Bu... Kula Bu.... (saut-sautan).

Bu Guru : Wah... ketoke wis bar kabeh. Ya wis, ndang enggal dikumpulna bathike.

Siswa : (Grudugan ngumpulna bathike).

Bu Guru : Iki garapane klompoke sapa, kok durung diwenehi jeneng?

Eka : Kelompok kula, Bu.... Nyuwun pangapunten Bu, kesupen. (Maju njupuk bathike, banjur dijenengi). Menika sampun kula jenengi Bu, mangga....

Bu Guru : Bathike bocah-bocah apik-apik banget, sanajan isih sepisanan sinau mbathik. Saumpama minggu ngarep dakrawuhna guru bathik maneg, gelem?

Siswa : Purun Bu... purun Bu... (saut-sautan)

Bu Guru : Krana saiki jam pelajarane wis entek, ayo enggal dipimpin ndonga. Sapa gilirane mimpin donga?

Yafi : Kula Bu.... (maju mimpin donga)

Sawise ndonga, bocah-bocah padha salaman karo Bu Guru sadurunge mulih.