Nek maca grup facebook Media Guru Indonesia, Sekie agi rame bangat pada nulis resolusi tahun 2018. Kie kaitane karo iming-iming hadiah sekang media guru. Sapa sing olih jempol paling akeh arep dewei buku antologi gratis. Jajal sapa sing ora ngiler ?. Inyong ya melu-melu nulis. Maune mung tiron, nanging bar maca tulisane kanca-kanca, atiku nggrentes banget, merinding rasane. Subhanallah, aku nyebut ora mandeg-mandeg saking kagume maring tulisane kanca pada. Isine jos pisan, paling akeh nulis babagan literasi.

Inyong uga melu nulis. Maune kepengin olih buku. Tapi bareng nulis inyong siki tek niatna sejen. Inyong kepengin olih dukungan kalimat ammin sekang kanca-kanca. Neng tulisan kue, Inyong due krenteg utawa harapan nek neng tahun 2018, inyong teyeng nulis sedina setulisan. Tapi tulisane muga-muga lewih anteb. Sebab inyong kepengin sapa bae sing maca, bisa njikot hikmaeh. Dadine unggal dina inyong bisa olih kebaikan utawa olih jariyah. Aamiin. Mugi mugi Gusti Allah ngijabah.

Sing jenengane dina ngesuk pancen kuasane Gusti Allah. Nanging Menungsa wajib usaha. Gawe target ya wujud salah sijine usaha. Niat apik InsyaAllah diridhoi. Hikmah langsung awake dewek gawe target neng awal tahun akeh bangat. Sing jelas kepenginan e dewek mesti perkara sing apik. Nulis perkara apik berarti dewek wis mikir positif. Pikiran positif e dewek gawe energi positif sing bisa nyiptakna atmosfir positif. Neng atmosfir mau awake dewek dadi rasane nyaman lan tenang. Rasa nyaman kue sing arep mimbing lakune dewek maring hal sing dewek kepengini. Kanti bantuan e Allah SWT InsyaAllah apa sing dikepengini bisa kaleksanan. Aamiin