Tantangan hari ke-197

#TantanganGurusiana

"Edisi bahasa daerah"

Dak salah pepatah urang tuo-tuo, hapa kaji dek diulang, hapa jalan dek ditampuah. Malu batanyo sasek di jalan, dek anak mudo kini katonyo malu batanyo jalan-jalan.

Iko carito mancari rumah baralek yang lataknyo jauh dari jangkauan. Maksud hati dak pai baralek ka tampek kawan. Rumahnya nan jauh dari jangkauan memang agak susah mancari nyo. Dulu, kiro-kiro limo baleh tahun nan lalu, ambo pernah pai baralek ka situ tapi painyo basamo rombongan. Karano kini Pai surang dak ingek lai tampeknyo.

Sesudah salat Zuhur, ambo ditemani suami pai baralek pakai motor. Sangajo pakai motor bia mudah masuk ka jalan-jalan satapak nan dak bisa dilalui oto. Karano dak tau alamat pastinya dicubo mamakai google map. Kato si google 17 menit dari rumah. Karano ambo barangkek pukua 16.05, dipakiroan sampai pukua 16.22. Dek manuruikan kato si google baputa-puta wak dibaoknyo. Alah tigo kali salah jalan dan jalan nan dituruikan tu jalan mandaki, manurun, babelok-belok nan labiah parahnyo jalan balubang-lubang pokoknyo dak enak.

Dicubo batanyo ka urang sekitar tu, ado pulo nan indak tau. Batanyo pulo ciek lai salah pulo nan ditunjukannya. Rencana kami kalau dak jaleh juo jalan ka situ kami pulang sajo lai. Tapi Alhamdulillah kami akhirnya manamuan alamatnyo.

Waktu yang dipakiroan sampai pukua 16.22 tadi akhirnya sampai 17.05. labiah satangah jam melesetnyo dari perkiraan. Batua juo kato urang tuo hapa jalan dek ditampuah. Iko karano dak pernah ditampuah makonyo dak hapa jalannyo. Padohal kalau tau jalannyo 15 menit sampai. Ado pudo tamu yang labiah parah puloI pulo dari ambo pukua 11.00 nyo barangkek pukua15..03 baru nyo tibo.

Jadi jalan ko yo acok-acok ditampuah amuah e nyo bia hapa jalan tu. Baa gaa ti sanak?