Dimano rumah bapak atau almarhumah nenek kami???

Assalamu’alaikum warahmatullahi wabarakatuh

Yang terhormat Pak etek buyuang.

Talabiah dahulu ambo mohon maaf kalau tulisan ko dianggap lancang, tidak pantas atau berlebihan.

Tapi sangajo tulisan ko ambo nyatokan sebagai wakil dari anak saudaro pak etek (anak pak etek Am jo anak almarhum Damrus ) sebagai harapan kok lai ka mungkin kandak bulia pintak lai balaku.

Kami menyadari bakraso ditanah minang anak laki-laki tak berhak mewarisi harato pusako ka anak-anaknyo melainkan seharusnyo jatuah ka kamanakan. Tapi nyatonyo anak nek Nur Jannah hanyo duo anak laki-laki (Damrus jo Amri). Jadi kasiapo harato nenek kami jatuahnyo?

Walaupun kami tak tau pasti apo sajo harato nenek kami, tapi saketek banyaknyo tantu lai ado juo. Kami tak bermaksud untuak mancikaraui harato tu. Tapi… saketek harapan kami ado juolah handaknyo hak kami untuak tampek pulang ka kampuang halaman bapak/nenek kami. Supayo kami ndak anggap anak nan tak babako ( dunsanak bapak).

Cubo pak etek bayangkan pilunyo hati kami (anak Pak Damrus nan barampek, kini cucunyo lah 14 urang anak pak etek Am-tek Ibet baranam, kini cucunyo lah 13 urang). Rayo patang kami taragak pulang kampuang manjalang kampuang bapak kami, tapi kamano kami ka pulang? Dimano rumah bapak atau almarhum nenek kami???

Rayo Patang anak pak etek am-tek Ibet hadir lengkap baranam baradiak jo anak-anaknyo dari Pakan baru, mako datangnyo hanyo ka tampek apaknyo manyeo tampek bausaho nan sabananyo ndak bisa manampuang kedatangnya anak cucunyo (diandiang). Tambah pulo kami anak, minantu jo cucu pak Damrus. Lai ambo ajak kasadonyo taruih ka bua botuang banjolaweh godang tapi ….rumah bapak/nenek kami ….

Jadi, kami berandai-andai….

Seandainyo pak etek Am jo pak etek buyuang nan barampek baradiak lai baiyo-iyo, baok pulo kami anak-anak pak Damrus, pelok an rumah gadang di bua botuang tu.agia hak kami sebagai cucu dirumah tu untuak tampek pulang kampuang. Tampek kito saliang mengenal antaro sesamo keluarga yang satali darah. Adokan acara pertemuan secara berkala. Sakurang-kurangnyo di momen hari rayo sarupo iko.

Demikianlah nan dapek ambo sampaikan dari lubuak hati nan paliang dalam. Semoga pak etek bisa memahami maksud dan tujuan kami. Kalau kato-kato nan disampaikan tidak bekenan di hati pak etek, kami khususnyo ambo minta maaf nan sadalam dalamnyo. Dan ateh perhatiannyo ambo ucapkan terimakasih.

Salam hormat ambo

nan mewakili anak Damrus-Amri

Upik (Gusnidawati)