Tantangan Hari ke -136

#TantanganGurusiana

#Tantangan Menuju 365 Hari

Bagi dunsanak yang lagi butuh refreshing akhir pekan, kali iko upiak akan perkenalkan tampek rekreasi untuk wilayah Solok sekitarnyo. Objek wisata nan murah meriah dan lokasi nan sangaik mudah tajangkau. Lokasi nan talatak di katinggian, sajauh mato mamandang mancaliak indahnyo danau Singkarak. Danau kabanggaan urang Sumatera Barat, sabagai danau kadua talaweh di Sumatera.

Tampeknyo banamo Puncak Gobah. Talatak di nagari Aripan, Kec.X Koto Singkarak, Kabupaten Solok. Jarak tampuah 70 kilometer dari kota padang, atau sekitar 2 jam perjalanan jo kendaraan. Tampek nan paliang katuju dek nan mudo-mudo untuk baselfie dan lokasi nan sangaik manyajuak an mato untuk mambawo kaluarga basanang-sanang.

Di Puncak Gobah ditata kaindahan alamnyo jo babagai macam spot kekinian untuk bafoto ria. Ado rumah pohon, kapa, tando love, papan-papan tulisan dengan merek “I Miss You”, papan berbentuk pintu dan bulan. Dan nan dak kalah ancaknyo, katiko ado kegiatan paralayang nan menghibur para pengunjung.

Untuk masuak ka lokasi Puncak Gobah para pengunjung dak dipungut biaya masuak. Biaya yang dikaluan cuma untuk masuak ka arena spot untuk bafoto, itupun dengan harga yang sangaik murah, yaitu Rp.2.000., Dan biaya parkir kendaraan berkisar antaro Rp.2.000., samapai Rp.5.000.,

Pueh bakaliliang sakitar lokasi, bisa menikmati indahnya danau singkarak jo hamparan sawah dan rumah panduduak nan indah mempesona, pengunjung bisa lo menikmati berbagai macam sajian yang disadioan, dengan beristirahat di rumah-rumah pohon. Apolai kalau menikmati durian. Karano durian Aripan terkenal durian nan sabana kamek, nan dicari-cari dek urang Solok sekitarnyo.

Bagi masyarakat Sumatera Barat pado umumnyo, dan urang Solok pado khususnyo, sangaik rugi kalau alun pernah mancubo mandatangi lokasi iko. Mumpung lagi liburan, ayuuk kunjungi Puncak Gobah.

Solok, 27 Juni 2020