Tantangan menulis gurusiana hari ke-2

(Ada terjemahannya di bawah)

FLAMBOYAN PALEBAH JALAN KA LÉMBANG

( Hariring Kuring Carita Urang )

Bagéan ka-1 sambunganna

BAGJA CAMPUR TUNGGARA

Kuring hudang terus mariksa papakéan, sapatu urut kelas tilu SMP, baju, erok, topi, dasi, kabéhanana geus sadia bararesih. Kantong dibuka dipariksa eusina. Buku anyar, pulpén anyar, pamupus anyar, jeung patlot anyar meunang nyeukeutan. Ngan cepuk jeung kantong mah urut di SMP butut-butut ogé dioméan lumayan tamba euweuh.

Jung nantung, samak saheulay urut saré geuwat digulung, sup diasupkeun ka kolong méja. Simbut butut jeung bantal disimpen luhureun lomari papakéan.

Barang nyingkabkeun rérégan samping léréng, seuneu enyay-enyayan kaciri tina sela-sela bilik dapur. Barang dideukeutan, geuning Ema nuju mirun seuneu badé naheur cai.

Ceu, tos gugah?” saur Ema. “Muhun, Ma. Apan supados jongjon ibakna ari poék kénéh mah,” témbal kuring. “Enya, jung atuh kadé ati-ati bisi tijalikeuh éngké caina ngéplok!” saur Ema. Kop kana émbér, gayung jeung wadah sabun. Anduk nu nyampay didudut terus disampaykeun kana taktak.

Kuring mukakeun panto, masih kénéh meredong kaayaan di luar. Bulan nu tadi peuting ngebrak,kahalangan méga hideung.

“Ma, poék geuning,” ceuk kuring. “Anteur ku Ema, nya?” saur Ema.”Wios wé, teu kedah. Abdi badé ngabantun colén, ” témbal kuring. Gap kana colén nu aya di juru dapur, terus disundut ku seuneu tina hawu.

Tong katampian atuh poék kénéh mah. Ka dinya wé ka MC ( Mandi Cuci ) ngarah deukeut!” saur Ema. “Enya, Ma. Urang tingal heula heurin heunteu di jambanna,” ceuk kuring. Da mémang ka tampian lebak mah jaba jauh téh, ari janari mah ongkoh ibunna kandel. Upama aya angin nebak kana kakayon urang siga kahujanan ribeg. Komo lamun peuting atawa soréna tas hujan , reumis, leueur, matak nyorodcod tuur lamun keur mudun.

Barang ditingali, bener wé di MC masih sepi kénéh. Kuring brus mandi. Réngsé mandi nandéan cai minuhan émbér. Bray-bray rada caang. Kuring niup colén, tuluy balik bari ngajingjing émbér nu pinuh ku cai.

Émbér diécagkeun dina golodog, terus mukakeun panto. Kuring ngilikan badéng, tétéla badéng téh masih kosong. Cai tina émbér dieurihkeun kana badéng. Terus indit deui ka MC bari mawa émbér dua, ayeuna mah kénca katuhu. Da geus rada caang teu kudu mawa colén. Malah mah tatangga ogé geus pada nyampak di MC. Aya nu keur mandi, nyeuseuh, ngisikan jeung nu antri nandéan cai. Kuring gé harita kudu ngantri nandéan cai.

Rasa kabungah campur jeung sedih. Ari nu jadi sabab kuring geus bisa nulung ka indung nalang bapa. Najan ngan saukur ngunjalan cai. Da anu biasa ngunjalan cai téh Apa sateu acan angkat ka masjid. Pancén kuring mah gégéroh jeung nyangu, nyampakkeun Ema sareng Apa upami tos mulih ti kebon.

Bérés minuhan badéng, kuring gégéroh, tuluy sasapu. Sangu kaanggseu seungit tandana asak. Teu kungsi lila Ema nyauran: “Ceu, Nyai ka dieu geura sasarap heula!”

Kuring jeung Si Nyai, sasarap. Si Nyai tuluy ulin jeung babaturanana teuing ka mana. Kuring pamitan ka Ema sareng Apa. Kuring tuluy indit ka sakola.

SUKA CAMPUR DUKA

Aku bangun terus memeriksa pakaian, sepatu bekas kelas tiga SMP, baju, rok, topi, dasi, semuanya sudah siap bersih semua. Tas dibuka diperiksa isinya. Buku baru, pulpen baru, penghapus baru, dan pensil baru diserut. Hanya tempat pensil dan tas bekas di SMP robek-robek juga diperbaiki daripada tidak ada.

Berdiri, tikar selembar bekas tidur digulung, dimasukan ke kolong meja. Selimut jelek dan bantal disimpan di atas lemari pakaian.

Begitu membuka gordeng kaen lereng (semacam batik), api redup-redup terlihar dari sela-sela bilik bambu dapur. Begitu didekati, ternyata Ibu sedang menyalakan api mau merebus air.

“Ceu dah bangun?” tanya Ibu. “Ya, Bu. Kan biar tenang mandinya kalau masih gelap,” jawabku. “Iya, silahkan hati-hati takut jatuh nanti airnya tumpah!”kata Ibu. Diambillah ember, gayung dan tempat sabun. Handuk yang tergantung langsung diambil di simpan di bahu.

Kubuka pintu, masih gelap gulita keadaan di luar. Rembulan yang tadi malam terang berderang, terhalang mega hitam. “Ih, gelap, Bu,”keluhku. “Antar sama Ibu, ya?”kata Ibu. “Gak usah, gak apa-apa. Aku bawa obor,”jawabku. Obor kuambil yang ada di sudut dapur, terus dinyalakan dengan api dari tungku.“

Jangan ke pemandian bawah, ya kalau masih gelap. Ke MC (Mandi Cuci) saja supaya dekat!” pinta Ibu. “Iya, Bu. Coba kulihat dulu penuh gak di MC,”jawabku. Ya memang ke pemandian bawah selain jauh, kalau dini hari embunnya tebal. Umpama ada angin berhembus kena pepohonan kita basah kuyup seperti kehujanan. Apalagi kalau malam atau sorenya sudah hujan, embun, licin, berakibat linunya lutut bila sedang jalani turunan.

Begitu dilihat, benar saja di MC masih sepi. Aku langsung mandi. Selesai mandi memenuhi ember dengan air. Keadaan bersinar sedikit-sedikit, menjadi terang. Kutiup obor langsung pulang sambil menjinjing ember yang penuh dengan air.

Kutaruh ember di depan pintu, lalu kubuka pintu. Kulihat badeng (ember besar terbuat dari besi).Ternyata badeng kosong. Terus pergi lagi ke MC sambil membawa dua ember, sekarang kanan dan kiri. Kan sudah agak terang tak usah membawa obor. Malahan tetangga sudah ada di MC. Ada yang sedang mandi, mencuci pakaian, mencuci beras dan antri isi air. Aku juga harus antri mengambil air.

Rasa suka campur duka. Sebabnya aku sudah bisa membantu Bapak dan Ibu. Walaupun sekedar mengambil air. Kan yang biasanya mengambil air itu Bapak sebelum berangkat ke Masjid. Tugasku mencuci piring dan menanak nasi, menyediakan makan untuk Ibu dan Bapak sepulang dari kebun.

Beres memenuhi badeng, kucuci piring dan lainnya, lalu menyapu. Nasi sudah tercium harum tandanya matang. Tak lama kemudian Ibu memanggil. “Ceu, Nyai ke sini cepat sarapan dulu!”Aku pamit kepada Ibu dan Bapak. Lalu kupergi ke sekolah.

Selanjutnya Flamboyan palebah jalan ka Lémbang bagian ke-2:

“POÉ MUNGGARAN SAKOLA”