Piak amba jo buyuang abuih, lanjutan...

Lah sudah saminggu hari rayo, dicaliak dagiang bantai yang lah dirandang piak amba lah abih tingga dadak-dadaknyo sajo lai. Rayo kini lai bisa tabali dagiang agak sakilo di sibuyuang abuih. Karano bulan puaso patang yuang abuih lai dapek karajo tuk bali baju rayo anak-anak jo bali dagiang.

Kini lah abih lo saminggu yuang abuih alun ado dapek karajo lai. Untuang lai ado juo dagiang bantai yang dirandang tu lai meski hanya sisanyo.

Tamanuanglah yuang amba dibalakang umah sambia mancaliak ayam mangakeh-ngakeh tanah untuak mandapek an caciang. Disitulah yuang amba tabuka pikiran e, manga lo kalah den samo ayam. Ayam jo yang ndak punyo tangan lai bisa mandapek an razaki, aden cukuik sadoe diagiah tuhan kecek yuang amba dalam hati.

Pai lah yuang amba k dapua mancaghi cangkua dan yuang amba mulai mancangkua tanah untuak ka batanam ubi kayu. Ubi kayo ko iduik e mudah bisa dima sajo. Daunnyo bisa dijadikan sayua, isinyo bisa dibuek lapek.

Mulailah yuang amba mancangkua tanah ka baladang pancih. Lah dicari tampang pancih sakaruang pupuak kandanglah dicari e lo di yuang amba.

Bersambung, sajian khusus minggu