Ratug ieu hate mun geus nyanghareupan poe saptu. Aliran geutih dina nadi oge ngalir kenceng. Sok sieun jeung sieun... Budak leutik umuran tujuh taunan karak nincak kelas dua SD.

Unggal isuk hese pisan hudang, padahal geus jelas manehna kudu indit sakola. Ti senen nepi ka jumaah eta budak sakola nateh. Saptu jeung minggu pere bisa dipake ulin satingkah polahna.

Unggal poe hese pisan dihudangkeuna eta budak teh, alesan jeung alesan wae nu ditembalna. 40 menit nincak kana jam asup sakola, budak eta karak hudang bari jeung kudu aya drama heula. Sagala alesan diomongkeun sangkan indung bapak na der weh jadi paloba-loba omong.

Dina poe saptu, ku aneh na eta budak ngadoja kanu jadi kolotna. Rebun-rebun keneh geus benta, neangan sapedah nu sok dipake ngabolang ku manehna. Indungna geus hudang ti janari gede. Saperti biasa satutas solat tuluy kukumbah, nyeuseuhan jeung ngagosok. Sakapeung nyiapkeun mumuluk mun keur aya olahkeuneunna.

Bener we, eta budak teh langsung mawa sapedah ulin ngurilingan kebon nu aya teu jauh ti imahna. Ngadoja dina poe biasa mah hudang teu bisa isuk-isuk, naha ari poe saptu gancang beunta samemeh bijil panon poe.

Ku aneh kana pari polah budak teh. Ah dipikir deui da emang budak meureun. Budak mah kumaha nu jadi kolot, didieu bisa jadi kusabab indung atau bapak na tara nyontoan budak kudu hudang isuk-isuk, diajar solat, merenahkeun kasur jeung sajabana.

Nu jadi handeueul, bapak na nu karak benta bari jeung teu solat subuh-subuh acan ngawekwek ka indungna. Kieu pok na : " Naha teu dicaram budak ulin isuk-isuk?". Sugan geuring nya eta bapak na budak? Teu rumasa, pamajikan na mah geus pak pik pek digawe meresan pagawean imah.

Wilujeng wayah kieu