Muhammad Ridwan Effendy Bodi

Ridwan, S.Pd.I., M.Pd. dengan nama keren Muhammad Ridwan Effendy Bodi, lahir di Lita’ Mandar, 28 Februari 1984 adalah alumni Pascasarjana UNM (Universitas...

Selengkapnya
Navigasi Web
ISLAM MAPPIARAI ASSIOLA-OLANG ANNA ASSIRUPA-RUPANG

ISLAM MAPPIARAI ASSIOLA-OLANG ANNA ASSIRUPA-RUPANG

(KHUTBAH PERTAMA)

إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا

مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,

أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.

وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.

اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،

أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ،

اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.

قَالَ اللهُ تَعَالَى :

يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ

E inggannana rupa tau, sitonganna Iyami’ mappayario (mappara’bue’o) pole di mesa tommuane anna mesa to baine anna mappayario kalompo’ bangsa-bangsa anna golongaŋ suku-suku mammoare’o si pei-peissangngi. Sitonganna iya to kamenaŋ mala’bi’ di antaramu di sesena Puaŋ Allah Ta’ala iyamo to kamenaŋ me’atakwa di antaramu. Sitonganna Puaŋ Allahu Ta’ala Masarro Paissang na Pakkarewa (TQS al-Hujurat [49]: 13).

Hadirin jamaah jumah rahimakumllah,

[E inggannana to hader jama’ah Jum’ah insya Allah na’ammasei Puaŋ Allahu Ta’ala,]

Parakke’ le’ba’o lao di Puaŋ Allahu Ta’ala. PoGau’ toi apa iya inggannana anu naperintakang anna peakaraoi inggannana anu nalaraŋ. Pasti napakala’bi’i ita’ di’e paranna rupa tau. Ingngaralle’ba’i pau-pau mala’bi’na Puaŋ ma’uaŋ:

يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ

E inggannana rupa tau, sitonganna Iyami’ mappayario (mappara’bue’o) pole di mesa tommuane anna mesa to baine anna mappayario kalompo’ bangsa-bangsa anna golongaŋ suku-suku mammoare’o si pei-peissangngi. Sitonganna iya to kamenaŋ mala’bi’ di antaramu di sesena Puaŋ Allah Ta’ala iyamo to kamenaŋ me’atakwa di antaramu. Sitonganna Puaŋ Allahu Ta’ala Masarro Paissaŋ na Pakkarewa (TQS al-Hujurat [49]: 13).

Hadirin jamaah jumah rahimakumllah,

[E inggannana to hader jama’ah Jum’ah insya Allah na’ammasei Puaŋ Allahu Ta’ala,]

Aya’ diwao digena’ di’e mipatiroi mi’apa iya di’o disanga Asallangano ma’annai (ma’akke’) pangka’ lao di paranna rupa tau. Tania sawa’ bangsana. Tania to’o sawa’ sukunna, tania sawa’ warna uli’na. Tania sawa jabataŋ anna oroanna.

Iyamo tu’u nadisangai Asallangano kamenaŋ mindiolo naBawa kaum muslim pole di tana Araa’, iya di’o andiassinalai mappatiroaŋ akaeanna arogansi (melo’ dipa’uangaŋ) sukunna. Asallangang iya tia mambawa sumanga’ pallulluareaŋ anna assiamaŋ. Mangapai? SaBa’ iya di’o Asallangano ma’akui aDianganna sanga suku bangsa. Jari iya di’o Islam’o maa’annai ala’biranna rupa tau tania sawa’ suku-bangsana, tania to’o to pole atau pendudu’ asli, warna uli’na; tapi rasa rakke’di lao di Puaŋ Allahu Ta’ala.

Ruai nabitta’ Muhammad Saw ma’uaŋ lao Abu Dzarr narioi’i Puaŋ:

انْظُرْ فَإِنَّكَ لَيْسَ بِخَيْرٍ مِنْ أَحْمَرَ وَلاَ أَسْوَدَ إِلاَّ أَنْ تَفْضُلَهُ بِتَقْوَى

Pi’itao, i’o andiani macoa pole di uli’ mamea atau uli’ malotoŋ sangadinna mupisaurri illao’o dengaŋ rasa rakke’ lao di Puaŋ Allahu Ta’ala (HR Ahmad).

Makanya, iya di’e umma’ sallange marrupa-rupa suku bangsa tuoi macoa salama 14 (sappulo appe’) aba’ sebagai mesa umma’. Naiya wilayana kekuasa’an khilafah umma’ sallaŋ diwattu di’o diangi dio di Afrika lambi’ lao di Asia berhasili mattokko assamalewuaŋ anna atannangaŋ lao di kaum Muhajiriŋ anna Anshar dio di Madina. Bassa toi dio di negeri-negeri laeŋ, iya di’o Asallangano berhasili mappamesa assisalaŋ suku-bangsa, warna uli’, anna basa ilalanna akida kaum muslim. Di sisi laenna, naiya di’o warga tania to Sallang tiyappanni/tijagai toi jiwa anna kehormatanna di lalaŋ naunganna sarea’ Islam.

Hadirin jamaah jumah rahimakumullah,

[E inggannana to hader jama’ah Jum’ah insya Allah na’ammasei Puaŋ Allahu Ta’ala,]

Belasaŋ aba’ diolo’ mai, iya di’e Islam’e purai nahapus anna mappaharattoi lao mesa-mesa tau iya mambanggakaŋ perru’dusaŋ keluargana anna suku bangsana. Ubai bin Ka’ab ra ruai ma’irrani mesa tau tommuane ma’uaŋ, “E keluargana fulan!” mane Ubay ma’uaŋ lao di mesa tauo, “Bokkoi parewa pua’mu!” Ubay maccallai secara teraŋ-terangaŋ (nandiaŋ nawuniaŋ). Iya di’o tauo ma’uani lao di Ubay, “E Abul Mundzir (Abu Ubay), i’o taniao tau iya ma’olo’i mappau andiaŋ maacoa.” Ubay ma’uaŋ lao di pemuda digena’ di’o, “Sitongattonganna iyau di’e uirranni’i Rasulullah saw. ruai ma’uaŋ, ‘inai tau mambangga-banggakaŋ (melo’ dipa’uangaŋ) anna mappake slogaŋ (simbol-simbol) jahel maka sioi mambokko parewana pua’na...’ (HR Ahmad).

Anna, tenna’ ita’ di’e dipinnassai tongani mangaapai marrupa-rupa dini di negeritta’ malai tijaGai salama mattau-taung, jawaBanna sawa’ mai’di warga di neGarata’e umma’ Sallaŋ mappahaŋ iya disanga kewaJiBaŋ mappoGau’ anu macoa lao di rupa-rupa tau, tanpa mattangngar lao suku bangsa, termasu’ aGama.

Hadirin jamaah jumah rahikamullah,

[E inggannana to hader jama’ah Jum’ah insya Allah na’ammasei Puaŋ Allahu Ta’ala,]

Ita’ di’e purai tau mappi’gurui Asallangaŋ mi’apai sanga tuo dio tangnga-tangngana dio marrupa-rupa. Mipusarai Puaŋ Allahu Ta’ala mappamonge’ mesa-mesa tau apalagi mappatei tau laenna. SaBa’, iya di’o disangai dosa maraya.

Nataappui Puaŋ Allahu Ta’ala di lalaŋ Koro’aŋ Mala’bi’:

مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا

Inai mappatei mesa tau, tania sawa’ tau di’o (mappatei tau) laeŋ, iyade’ tania saBa’ mappoGau’ aDaeaŋ di lino, rapangi mappatei inggannana tau (TQS al-Maidah [5]: 32).

Ma’uani NaBitta’:

لَوْ أَنَّ أَهْلَ السَّمَاءِ وَأَهْلَ الأَرْضِ اجْتَمَعُوا عَلَى قَتْلِ مُسْلِمٍ لَكَبَّهَمُ اللهُ جَمِيعًا عَلَى وُجُوهِهِمْ فِي النَّارِ

Tenna’ pendudu’ langi’ anna pendudu’ lino sirumu-rumuŋ mappatei to Sallaŋ, sitonganna Puaŋ Allahu Ta’ala naBinasakani illao inggannana anna rupanna to’o runduŋ tama di naraka (HR ath-Thabarani).

Naiya sanga larangaŋ mappatei warga tanpa alasaŋ iya tongaŋ berlaku toi lao di kalanganna tania to Sallaŋ. Nabitta’ saw napaingarangi illao ise’iyao mua’ diang tau ma’alai nyawana tania to Sallaŋ tanpa alasaŋ iya kamenaŋ tongaŋ, ma’uani:

مَنْ قَتَلَ مُعَاهَدًا لَمْ يَرَحْ رَائِحَةَ الْجَنَّةِ وَإِنَّ رِيْحَهَا تُوْجَدُ مِنْ مَسِيْرَةِ أَرْبَعِيْنَ عَامًا

Inai-inai tau mappatei tau mu’ahad (to kaper iya terika’ lao di perjanjiaŋ dengan naGara Islam) andiani rua mauDu’ suruGa. Sitonganna iya di’o bau suruGao tiudu’i pole di jara’ pillambaŋ selama 40 (patappulo) tauŋ (HR al-Bukhari).

Iya di’e hukum (atoraŋ) Islam iya marayae sanggu’i mappiara umma’ paranna rupa tau sehingga teriptai disanga arokonaŋ.

Hadirin jamaah jumah rahikamulullah,

[E inggannana to hader jama’ah Jum’ah insya Allah na’ammasei Puaŋ Allahu Ta’ala,]

Mua’ dite’e alloe ita’ di’e simata ma’irranni tau diaŋ tomappatei to pole dio Papua, maka diselesaikani orona di’o perso’alano. Arana dipayari di’o sanga Asallangaŋ seBaGai petunju’ lao di inggannana to Sallaŋ anna mappapiatoi lao di tauo mimbali’ milulluare’ dalam ikataŋ disanga pallulluareanna to Sallaŋ. Bassa di’o sengeŋ mappiarai baraŋ-baraŋ, cera’ anna kehormatanna lao di inggannana tau laeŋ.

Sitongattonganna, sangga’ sarea’ Islam tappa’di iya mala mappiwengaŋ rasa keaDilaŋ lao di setiap mesa tau, tania sangga’ to Sallaŋ. Jari iya di’e Asallangane menjamittoi iya mala mipasejahtera lao di inggannana warga neGara bai’ to Sallaŋ mau tania to Sallaŋ.

Iyamo di’e aranae disanga Asallangaŋ mala mappayari anna mappiara assiola-olaŋ saena belasaŋ aba’, sekaligus mappapia paradabaŋ iya unggul anna mappakala’bi’ lao di paranna rupa tau. Tania to’ ita’ di’e inggannana mappoelo’e?

Mamuare’i Puaŋ Allahu Ta’ala napaturuni paattulunna dengaŋ mikke’de’na disanga Asallangaŋ dini di lino. Aamiin.

[]

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِن الآيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

DISCLAIMER
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.

Laporkan Penyalahgunaan

Komentar




search

New Post