Muhammad Ridwan Effendy Bodi

Ridwan, S.Pd.I., M.Pd. dengan nama keren Muhammad Ridwan Effendy Bodi, lahir di Lita’ Mandar, 28 Februari 1984 adalah alumni Pascasarjana UNM (Universitas...

Selengkapnya
Navigasi Web
IYA DIO DISANGA APUGGAWANG AMANA TUU

IYA DIO DISANGA APUGGAWANG AMANA TUU

(KATO’BA PAMMULANG)

إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا

مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,

أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.

وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.

اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،

أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ،

اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.

قَالَ اللهُ تَعَالَى : ﴿فَفِرُّوا إِلَى اللَّهِ إِنِّي لَكُم مِّنْهُ نَذِيرٌ مُّبِينٌ﴾

Pi’asiGao pembali’ (tunru’) lao di Puaŋ Allahu Ta’ala. Sitonganna iyau mesa tau pappaingaraŋ ma’nyata pole di Puaŋ Allahu Ta’ala untu’ i’o (TQS adz-Dzariyat [51]: 50).

Hadirin jamaah jumah rahimakumullah,

[E inggannana to haDer jama’ah Jum’ah insya Allah na’ammasei Puaŋ Allahu Ta’ala,]

Parakke’ le’ba’o lao di Puaŋ Allahu Ta’ala. Sitongattonganna, iya di’o sanga rakke’o manjaGai tu’u alaweta’ pole di manggau’ a’dorakaŋ lao di Puaŋ Allahu Ta’ala. Anna pasti’i, Puaŋ Allahu Ta’ala napatinggi’i pangka’na lao di tau iya to marakke’.

Hadirin jamaah jumah rahimakumullah,

[E inggannana to haDer jama’ah Jum’ah insya Allah na’ammasei Puaŋ Allahu Ta’ala,]

[Mai’di tau to marrappa kekuasa’an. Mai’di toi to melo’ minjari punggawa. Massi’ung sau, massi’ung mai demi melo’ mallolongaŋ oroaŋ iya na’akkattai. Mai’di illao se’iao ma’aluppei mua’ iya di’o disanga apunggawaŋ, amana tu’u. Inai tau mattu’galaŋ amana apunggawaŋ pasti naperaui manini pertangguŋ jawaBaŋ pole di Puaŋ Allahu Ta’ala dio di allo di woe’ manini.

Ma’uani naBitta’ saw:

فَاْلإمَامُ رَاعٍ وَ مَسْئُوْلٌ عَنْ رَعِيَّتِهِ

Iya di’o disanga punggawa pangurusna tu’u ra’ya’ (pa’banua) anna nanaperaui toi pertangguŋ jawabanna pole di pa’banua iya na’urus (Haddesna al Bukhari anna Muslim).

Iya di’o sanga pemimpin, nauai naBitta’ pelayannai tu’u ra’ya’/pa’banua. Ma’uani Nabitta:

سَيِّدُ الْقَوْمِ خَادِمُهُمْ

Iya di’o sanga punggawa atau namappunggawai mesa kaum adalah pelayanna tu’u (HR Abu Nu‘aim).

Mappaingarani Nabitta’ Saw:

مَا مِنْ عَبْدٍ اسْتَرْعَاهُ اللَّهُ رَعِيَّةً فَلَمْ يَحُطْهَا بِنَصِيحَةٍ إِلَّا لَمْ يَجِدْ رَائِحَةَ الْجَنَّةِ

Nandiaŋ mesa batua iya naserahi lao pa’banua pole di Puaŋ Allahu Ta’ala untu’ mappiara urusanna ra’ya’, lalu andiani napacoe’ ra’ya’ pole di naseha’ pipatuDu (acoangaŋ), sangaDinna andiani namauDu’ disanga soroGa (HR al-Bukhari).

Ilalanna pau laenna Nabitta’:

مَا مِنْ وَالٍ يَلِي رَعِيَّةً مِنْ الْمُسْلِمِينَ فَيَمُوتُ و َهُوَ غَاشٌّ لَهُمْ إِلَّا حَرَّمَ اللَّهُ عَلَيْهِ الْجَنَّةَ

Andiani mesa punggawa naserahi mesa urusanna tau to Sallaŋ, kemuDiaŋ tappa mate, sedangkaŋ iya andiani nayappanni di’o urusannao, sangadinna Allah Ta’ala napaharangi suruGa untu’ alawena (HR al-Bukhari dan Muslim)

Hadirin jamaah jumah rahimakumullah,

[E inggannana to haDer jama’ah Jum’ah insya Allah na’ammasei Puaŋ Allahu Ta’ala,]

Iya di’e haddese tania pangi-panginoaŋ. Nauwa Imam Fudhail bin Iyadh,iya di’e haddese merupakaŋ ancamanna lao di tau iya todiserahi untu’ nama’urussi to Sallaŋ, lao di urusaŋ aGama maupuŋ urusaŋ lino, kemudiaŋ nahianati’i. Jari mua’ diaŋ tau berhiana’ lao di mesa urusaŋ, urusaŋ iya pura naserakaŋ lao di alawena maka tappa bemme’ lao di dosa kaeyaŋ anna napeakaraoi toi lao di soroGa. Iya di’o to andiaŋ manjappanni. Malai mittokko andiaŋ ma’urusi umma’ anna andiattoi najaGai sarea’Na Puaŋ Allahu Ta’ala pole di unsur iya marrusa-rusa’ apaccinganna, marroba-roBa aya’Na Puaŋ Allahu Ta’ala anna mappeppondo’i toi hudud (hukum-hukumna Puaŋ Allahu Ta’ala). Iya di’o tomappeppondi’io mala toi mittokko mappeppondo’i ha’na umma’, andiattoi manjaGai keamananna, andiattoi berjuaŋ marrimba balinna, andiattoi makke’deaŋ keaDilaŋ dio di tangnga-tangngana. Setiap di’o tauo namappoGau’ di’o bassao natangngari tu’u mappepondo’i (mahheanati) umma’ (Imam an-Nawawi, Syarh Shahîh Muslim).

Hadirin jamaah jumah rahimakumullah,

[E inggannana to haDer jama’ah Jum’ah insya Allah na’ammasei Puaŋ Allahu Ta’ala,]

Andiani tau heraŋ, iya di’o generasinna salafush-shaleh diolo’ maio umumna hawateri/masarai bahkan marakke’ toi pole di amana apunggawaŋ (kekuasa’aŋ). Apalagi illao pura napahammi apa nauwa naBitta’ saw.:

إِنَّكُمْ سَتَحْرِصُونَ عَلَى الْإِمَارَةِ وَإِنَّهَا سَتَكُونُ نَدَامَةً وَحَسْرَةً

I’o ma’elo’i sanna’o akkuasaŋ, sedangkaŋ iya di’o sanga akkuasango diBoe’ manini malai minjari panosoaŋ atau aruGiaŋ (HR Nasa’i dan Ahmad)

Anehnya, iya di’o naperingatkaŋ Nabitta’o dio di haddesna justru naprattekkani/napoGau’mi sangat sempurna (sukku’) lao di generasi dite’e. Iya di’o sanga generasi dite’eo rata-rata bernapsu pole di akkuasaŋ anna jabataŋ. Illao di se’iao se’akaŋ-akaŋ andiani napeduli di’o jaBatano mua’ naBeruBai minjari panosoaŋ anna arugiaŋ di allo diBoe’ manini.

Hadirin jamaah jumah rahimakumullah,

[E inggannana to haDer jama’ah Jum’ah insya Allah na’ammasei Puaŋ Allahu Ta’ala,]

Iya di’o Asallangano andiani mappusara lao to melo’ berkuasa. Tipatengattoi Islam mattangngar wajari mua’ diang arocaŋ iya massolangani lao di proses politi’. Masalana, mi’apai di’o carana di’o disanga akkuasangano malai di lollongaŋ?

Diolo’ mai, diappira sahaBa’ terkemuka, lalattomi Khalifah Abu Bakar, pada masa apunggawanna sepaka’i ma’usulkaŋ mua’ Umar bin Khattab namassallei manini apa’ monge-monge’mi. Pole di inggannana passalaŋ, sangga’ i Umar iya mala sitinaya mala minjari khalifah berikutna. Namun, andiani mario, Umar mala makarrasi nasakka’ pencalonanna seraya ma’uangi Umar apakah illao i se’iao najerumuskana’ tama di naraka?

Tentu karena iya di’o Umar’o nasadarri sanna’i bahwa iya di’o sanga jabatano tania tu’u oroaŋ mawu untu’ namallolongaŋ melo’ disanga, akkuasaŋ, baraŋ-baraŋ, apalaGi toBaine. Di lalaŋ pattangngaranna i Umar, iya di’o disanga jaBataŋ anna akkuasaŋ aDalah amana tu’u iya nanaperaui pertanggungjawaBaŋ diolona Puaŋ Allahu Ta’ala dio di allo diBoe’ manini. Dengaŋ pau laeŋ, iya di’o jaBatano sitongattonganna bebaŋ tu’u, mua’ andiani dipoGau’ di’o amanao maka namambawai manini amatunaŋ anna amanosoaŋ.

Jari nadiattiapatia bebang mawe’i iya mala ma’ottonni justru namapparioDitia tau? Jari indinimi maie dipahane mangapai Umar andiani tappa mario mattarima di’o tawarano.

Hadirin jamaah jumah rahimakumullah,

[E inggannana to haDer jama’ah Jum’ah insya Allah na’ammasei Puaŋ Allahu Ta’ala,]

Jari iya di’e sanga Asallangane naDorossanna’i lao di punggawa (penguasa) maupuŋ peJaBa’ neGara supaya missipa’/makkeDo adil. Sayangi, iya di’o sanga punggawa aDilo andiani tappa pole haDer dio di mappepondo’i pole di tuntunanna Asallangaŋ. Iya di’e tangalalaŋ iya zalim’e hanya malai mallolongaŋ punggawa zalim to’o (makarras), andiani ma’appunnai amana anna mappeakaraoi toi disanga sipa’ aDil.

Naiya di’o sanga punggawa aDil’o hanya mungkin lahiri pole di tangalalaŋ iya aDil. Iyamo di’o disanga tangalalaŋ iya naterapkaŋ lalaŋ di institusi/lembaGa pemerintahaŋ Islam. iya di’o sistem/ tangalalaŋ iya di’o disanga pemerintahaŋ Asallangano disangai tu’u warisanna naBitta’ SAW anna napoGau’/nake’deaŋ toi illao sahaba’na Nabitta’ iyamo disanga khulafa ar-rasyidin.

Mamuare’ ita’ di’e iyanasannae minjari bahaGiannai tau pole di tau iya tomassalili’i disanga tangalalanna/cara-carana Asallangaŋ, sistem iya di lalanna diaŋ dasar rasa rakke’ lao di Puaŋ Allahu Ta’ala lao di inggannana elemenna (unsur-unsur) baik dio sisa-sisatta’ (individu), masaraka’, anna naGara.

[]

بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِن الآيَةِ وَذِكْرِ الْحَكِيْمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم

DISCLAIMER
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.

Laporkan Penyalahgunaan

Komentar




search

New Post