Gadang Sarawa (Penakut)
Hari menulis ke-337 (1023)
#TantanganGurusiana
.
Gadang Sarawa
(Pantun)
Oleh: Mursyidah
.
Mangaji rukun samo Ahlulbait
Santun amanaek guru jo buya
Tasaji pantun babarapo bait
Pantun kulikaek urang di dunia
.
Kota Padang lah rancak bana
Raminyo ndak katiko rayo sajo
Ota gadang banyak rencana
Buktinyo ndak ado ciek juo
.
Kudo balang larinyo mandongkak
Mambao rang kayo ka Balah Aia
Di balakang nyo manggaretak
Basuo bana sunguiknyo manggigia
.
Rancak alamnyo danau Singkarak
Ikannyo lamak aianyo tawa
Lagak bak cando urang bagak
Kironyo awak gadang sarawa
.
Gunuang Singgalang tagak manyangga
Harok ranah jo cahayo mamanca
Di lua galanggang sabana sanga
Dibaok ka tangah tulangnyo gaca
.
Jikok rang mudo mambali bareh
Ditimbang bana lansuang jo karuang
Kok otanyo iyo paliang kareh
Ditantang bana lansuang manggaruang
.
Pincuran Tujuah, 03122022
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Cakep banget pantun nya