Kerrong se ta' Kabuwa'
Kerrong sè ta' kabuwâ'
Angghiḍhân: Muslihen
Sèang bâng tabângan
Sareng malem sèngosot jâng bâjângan
Salèrana ta' èkatèla
sanajjân coma konco'na èlonga
È pèngghirrâ kotta
Sèang malem
Kaula mèjhet sè nantos dhika
Kaimmâ dhika?
Nèka' abâ' asapo' ojân
Ngambâ dhika' ta' aromasa jhânjhân
Sanajjan nèmor bulâ ajemmor
Kolè arassa bullâ' bân konor
Posang èleggâna kabârâ' ka tèmor
Sâbbân arè lèntè tajâm sè alèng-lèng,
Ètengnga'na teggâl bâkto
Dâri mata arè compet sampe' metto
Dhika ta' akabâr malolo
Dimma dhika?
Kerrong sè ta' kabuwâ'
Ta' kennèng tambâ'
Aèng sè adrisdis akanta nambâra'
Dârina kerrong sè ta' kabuwâ'
Terro tapangghiya abâ'
Sanajjân dalâm mimpè sanaossâ sakejjâ'
Mogâ kerrong teddâs sè ta' kabuwâ'
Kaimma dhika?
Abdhina kerrong ta' kabuwa
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar