NGAHERUK HESE SUMEGRUK

"Mun seug wasa, kuring hayang ceurik gogoakan, Ya Allah. Nomplokeun kakeuheul jeung bangbaluh hate, kuciwa taya tungtungna. Handeueul taya kendatna. Hanjakal mo bisa, dalah dikumaha. Papasten tinu Kawasa, kuring teh geuning teu lulus ka Perguruan Tinggi Negeri (PTN)". Kitu gerentesna hate Momon, nandangan kasusah jeung kasedih dumeh manehna teu katarima di PTN taun ayeuna.

Momon teh sabenerna, kawilang pinter kana diajarna, sok sanajan jalmana hare-hare. Hare- hare tara nulis, hare-hare tara daek ka hareup, iwal lamun dititah guruna, contona ngahapus papan tulis. Tara daek beantara, komo mun seug tea mah jadi ketua OSIS. Etage pernah jadi ketua kelas, kuedas Momon mah malah ngundurkeun diri. Majar teh cenah hoream.

Hiji mangsa, kusabab siswa SMK, Momon kapilih pikeun ngilu sayembara ngarakit barang nudisebut saving energi. Kuring teu apal barang nanahaon eta teh? Ngan majar teh barang keur ngirit bahan bakar nudipake di pabrik-pabrik industri. Momon kaasup salah sahiji anggota kelompok sayembara ti SMKna. Kuring mah apal teh bubuhan rada dulur keneh tah ka manehna, nyaeta anak adi indung kuring. Tegesna kapiadi meureun. Kabeneran deuih, aya babaturan sakelas Momon, Si Encuy sok ditanya ngeunaan kabiasaan diajarna Momon.

Alhamdulillah, sayembara nudipiluan ku Momon jadi pinunjul katilu tingkat nasional. Katingal gumbira manehna teh. Pon kitu deui Indung jeung Bapana mah, galumbiraeun pisan. Majarkeun cacakan hare-hare alhamdulillah geuning budak teh boga pangabisa. Ari cek kuring, "ih atuh Mang, da budak teh masing- masing boga pangaweruh, naon kabisana asal terus dibere sumanget, tangtu hiji waktu bakal kapuluk". "Oh, Enya geuning karasa ayeuna mah. Di sakolana sok mindeng cenah, cek babaturanna Momon mah sok ngabenerkeun laptop guru atawa batur anu sakelas atawa sejen kelas. Bapana Momon mairan rada jentre naon nu kukuring dijelaskeun.

Ngan hanjakal abong jalma ninggang diapes, dina waktu dibagi rapor semester ganjil nilai rapor Momon aya nubeureum majar nilaina di bawah KKM. Kumahiwal deuih, nilai nubeureum teh nyaeta mata pelajaran olahraga jeung keterampilan komputer. Padahal mapel komputermah nudipikaresep jeung nudiandelkeun pisan ku Momon.

Harita ku kuring diomongan Momon teh, "Nupenting bereskeun Mon nilaina, da bisa perbaikan, tinggal nepungan guru mapel nudiher atawa perbaikan eta. Momon jaga mun lulus ti SMK sing bisa ngabuktikeun kudu ditarima di PTN."

Momon nurut kana omongan kuring. naon nu kudu dipilampah manehna. Momon nepi karengse ujian tur narima nilai ujian rada lumayan. Sok sanajan teu jadi pamuncak di kelasna, ari budakna hare-haremah meureun pinunjul katilu oge kasebut alus. Malahan, nilai komputer na mah pamuncak Momon teh.

Gancangna carita, Momon ngilu testing ka PTN. Nepi ka tilu PTN nu dipilihna, pajar cenah ameh loba lolongkrang ditarimana. Tapi dalah dikumaha, ahirna Momon teu lulus atawa teu meunang testingna ka PTN. Momon kudu neangan Perguruan Tinggi Swasta. Kolotna tetep ngadukung kahayang Momon. Ngan nyaeta Momon teh meureun, kacida handeueulna teu ditarima di PTN. Nepi ka manehna ngaheruk bae bari jeung hese sumegruk.

"Keun Jang, sugan kahareup Ujang bakal leuwih maju tur pinter lamun dina can lulus ieu bisa nyokot hikmahna dina enggoning diajar tur nyiar kahirupan keur kabagjaan boh dunyana atawa aherat jaga." Panjang lebar kolot Momon papagah kanu jadi anakna.

Otw Garut, Rest Area Al Ma'soem Cileunyi 11 Juli 2018