Aya rasa reueus, aya oge rasa nalangsa basa harita kuring ngaregepkeun dongeng lalampahan babaturan mangsa ngajarkeun maca ka budak beda tingkat sakola, nyaeta SD kelas 2 jeung SMP kelas 8. Bu Titin, eta ngaran babaturan teh. Asalna jadi guru di SD jeung di SMP. Kiwari mah ngan ukur ngajar di SD da katarima P3K-na.

Bu Titin ngadongeng bari seuri jeung sakapeung ramisak bedana ngajar maca di dua tempat. Di SD kelas 2 mah mun keur ngajar maca dina waktu pahareup-hareup mapagahan maca kudu sayaga tissu atanapi minyak seungit. Budak kelas 2 tea can hideng nyusut irung mun keur flu atawa gancang ka cai mun keur nyeri beuteung. Guru kelas 2 sumedeng loba carita bari jeung nyata. Ari budak kelas 8 can bisa maca lumayan rada berseka, ngan nyaeta macana da geus kaliwat kodol jadi lila bisana tur leukleuk. Beda jeung kelas 2 SD diajar macanya leuwih tereh ti batan budak SMP.

"Eeuh geuning bener. Maca teh kudu jadi dasar pikeun elmu pangaweruh." ceuk gerentes hate. Budak kelas 2 leuwih gancang bisa macana sabab aya dina mangsana. Tapi, kelas 8 geus kodol diajar maca, sabab geus kaliwat waktu diajarna. Tah geuning senina mangsa ngajarkeun maca.

Cag ah! Cihampelas 5 September 2022 tantangan nulis poe kagenep.