T.018

Palai Jariang Anciang..

Kalau makan jo jariang ( jengkol) sambanyo indak ado duo nan kadibaco. Lamak jo lamak bana. Tabiek salero awak dek inyo. Antah itu dikalio, digoreng, dibuek gulai jo galinggang atau pucuek ubi. Disantan jariang apolae. Nan paliang sero tu kalau dibuek samba lado tanak jariang atau samba lado jariang sajo. Dimulai dari gatok jariang mudo. Bagadincik suok malan kobsamba lado. Jariang nan alah mulai tuo kamek bana ko. Apo lae nan alah talampau tuo bana. Alah maijau jariangnyo sampai ka lua tunehnyo. Iko nan dinamokan jariang anciang. Kalau soal baun nan ditabikannyo, iyo sabana sero. Marumbo-rumbo iduang dibueknyo kalau WC disiram asa lae sajo.

Jariang anciang, iyo agak ekstrim namonyo. Jariang ko alah tuo talampau umuenyo. Dibiaankan sajao talatak diateh tanah atau sangajo manyimpannyo dalam tanah. Beko kalupak jariang ko narubah warna jadi hijau tuo. Untuak mamasaknyo dibarasiahan dulu taruih dirandan jo aie angek. Dibuek apo saja lamak pulo. Nan paliang badaceh tu rasonyo kalau dibuek palai alias pepes. Let's go mari kito cubo.

Bahan:

Jariang anciang agak 10 buah Karambie nan alah gaek 1 buah Lado merah 10buah + lado kutu 10 buah Bawang merah 6 siung + bawang putih 2 siung Bumbu gulai (supadeh, langkueh sagadang ibu jari + kunyik agak sasaik) Daun kunik 1 lembar (diiris haluih) Sarai (1 batang itis haluih) Daun limau agak 5 halai iris haluih Garam sacukuinyo Asam kapeh diambiek ayienyo Daun pisang untuak mambungkueh sarato lidi untuak manyamekannyo

Caro mambueknyo :

Karambie dikukue haluih Sado bumbu digiliang aluih kecuali daun kunyik, sarai jo dau limau diiris haluih. Sudah tu campuran jo larambie nan alah bakukue tadi. Jariang anciang tadi ditokok hancue. Sudah tu gabuangkan ka bumbu nan alah dialuihkan di ateh batu lado tadi. Kicok garamnya, agiah perasan asam kapeh galimanganblasado alahnyo. Sudah tu ambiek daun pisan nan alah dilayiekan dan dilap jarasieh. Bungkuih adukan bahan palai tadi jadi tigo bagian jo daun pisang. Samel joblidi suok kida Angekan diateh kompor kuali basi nan dialeh jo lasiel sabalumnyo. Latakkan bungkusan palai diateh kasiel nan alah angek tadi. Panggang sampai daun pbungkuihnyo angueueih manandokan palai alah masak. Jan lupo dibaliek-baliek bia masaknyo marato.

Kok alah masak tabaum harumnyo ciri khas dari jariang artinyo palai alah bisa dimakan.

Slamaik mancubo....

Solok, 07 Januari 2024