Dina minggu biasane nganggo basa Jawa. Wes rada suwe ora nulis, tak coba meneh ben aja diunekke wong Jawa lali jawane.

Rerasan, saka Mbah google artine ngrasani elekke uwong. Ning aku ora meh nambahi dosa, coba wacanen nganti setiti apa bener omongku.

Pirang-pirang dina iki hawane krasa atis banget. Mau esuk jam enem kaya biasane mangkat senam, ee... keganggu unine hape saka nduwur meja. Gage tak saut wae werna ijo nggon hape gek tak pencet langsung nyambung,

"Mbak..."

"Assalamualaikum warahmatullahi wabarakatuh"

"Waalaikumsalam warahmatullahi wabarakatuh"

"Salam sik to nduk, kudune rak ya ndongakke"

"Iya mbak, ngapuntene wae " jawabe Riska karo ngguyu,

"Piye nopo? Oh ya...ulang tahun ya nduk...dawa umure, Bergas waras sak kabehane, lancar usahane ya"

"Heeh mbak, matur nuwun"

"Ana apa Ris? ora kaya adate esuk-esuk kok ngrusuhi"

"Mbak...apa mas Rizki umrah ya?"

"Embuh ora ngerti, bubar ibu seda durung ketemu. Nak bener ya Alhamdulillah"

"Iya mbak, donga dinonga wae lancar sak kabehane"

"Sik ya tak mangkat ndak kawanen pekewuh nak keri" ujarku karo ngekek,

"Senam po mbak"

"Iya, sing cedak omah wae, rasah adoh"

"Ya wes mbak, wassalamu'alaikum warahmatullahi wabarakatuh"

"Waalaikum salam warahmatullahi wabarakatuh"