Sabananyo banyak bana nan ka ambo curitokan tapi saking banyaknyo, ndak tau ambo mano yang kaduluan ambo curitokan. Ambo pun baru balajar manulis anyo, balum pande ambo mambuek tulisan rancak.

Namo ambo Desmasari Simamora, kampung ambo di desa Sarudik, Kabupaten Tapanuli Tengah. Ambo sikolah dari SD sampae sma di Tapanuli tengah

Raso di Pandan ambo kalau babahaso ko. Ahhh, jadi banyak yang takana di ambo. Takana mie tek-tek, mie gomak, randang lokan di tapi lawik di pandan, panggang paccak, panggang geleng, takana sikolah ambo Matauli yang rancak bana, takana mamanjek pagar pai samo pulang sikolah, takana pulang sikolah singgah tidu di sopo urang di sawah nan di balakang sikkolah.

Kok di ingek-ingek, alah lamo bana ambo ndak pulang, sajak partangahan tahun 2005 sampai kini, baru 4 kali ambo pulang, tahun 2006, 2008, 2010, dan terakhir tahun 2013. Kok takana nan rancak, rasonyo nandak bana ambo pulang, tapi kok takana paiknyo pangalaman hidup, malas bana ambo pulang. Sabana ngeri dulu hiduk kami e.

Rumah kami banyak bana dulu, karano kami mangontrak. Kami dipakecce urang ndak tau diuntung, kecek urang kami sok urang kayo, nonggong karano mamakso diri untuk kuliah. Bukannyo ambo ndak mansyukuri hiduk, ambo sadar masih ado urang yang labih susah dari kami, tapi itulah malas bana ambo kok taringek zaman dulu tu.

#alah dulu da, ambo minta maaf kok ado nan salah kato-kato kurang tapek.