Pagi tu, katiko amak e sadang manggoreang bilih singkarak, si buyuang ko datang pai tagak sampiang amak e. Sambia mangapik kompeang susu nan lah abih. Si buyuang ko umuanyo lah salapan taun, cuma dek anak nan paliang bungsu, paja ko agak monjo senek.

“Mak, den kog la gadang suak, koq la karajo, den buekkan amak dangau ciek,” madok amak e. Ditukeh e dek amak e sambia manggiliang lado kutu.

“Aa, jadi ko dangau wak nan la suda kini ko dipangaan lai, tabuang se mala,” agak marabo amak e saketek.

“Kog duo dangau wak kan lai bisa amak batuka-tuka raso, kog panek di dangau nan ciek, poi ka dangau nan ciek lai.”

“Oooo, aa jadi malah”

“Mak, kog balian den hape rancak busuak pagi di, nan ado kamera e muko balakang, nan kamera e bisa kalua masuak tu mak, takah nan ado dalam iklan di tipi tu,” kecek si Buyuang agak maibo.

“Tapi kecek waang bali hape bisuak kog lah suda basunaik, baa kog bisuak pagi lo, waang kan lun basunaik lai,” lah mulai tenggi tensi amak si Buyuang.

“Yo, bali se hape tu dulu, bisuak tingga basunaik e se lai,” kecek si Buyuang santai bana.

“Eeeee, pak dotor, banyak na gaya waang mah, dari ma lo langik e tu, kalamak dek paruik apak se mah. Lah, pai lah mandi lai, nak tabukak pangana pak dotor tu.”

Hehehe ....