GEGURITAN.

DALAN

by: Siti Nur Hasanah.

Pikiranku nggrambyang,

Ngumboro ana ing awang-awang

**

Karep atiku ngitung lintang

Mbokmenowo biso nemu siji

Sing bisa dak takoni

**

Kepiye uripku tembe mburi kang bakal tak lakoni lan endi dalane.

**

Tumuju dalan bener lan kena dak ambah.

**

Aku wis sayah lan lunkrah , kepingin enggal leyeh- leyeh.

**

Nanging durung ketemu, ana ngendi sangkan parane .

**

Sikil iki wis krasa linu anggonku njangkah lan ngukur kekuatanku.

**

Dalan-dalan rumpil kebak krikil.

**

Duh gusti kang murbeng dumadi,muga paring kawelasan

**

Kesandung kedrundung wis ora keitung

**

Naging ya mung dalan siji iki kang tansah dak liwati.

**

Amargo yo mung dalan siji kang dak ngerteni.

Limpung,12/9-2020

T.4