Pasar Segamas, Pasar sing paling gedhe neng kabupaten Purbalingga. Pasar kiye degawe tahun rongewu sanga. Ngentongena dhuit kurang lewih selawe milyar. Pasar kiye manggon neng Jalan Mayjen Sungkono Purbalingga. Pasar kiye degawe nggo ngganti Pasar Kota sing deanggep wis ora maen. Siki bekas Pasar Kota degawe dadi Taman Kota Usman Janatin, Neng Jalan Ahmad Yani Purbalingga. Pasar Segamas cedhek karo Markas Polres Purbalingga. Neng sebrang dalan ngarep ana Rumah Sakit Harapan Ibu. Neng sebrang mburi ana Rumah Sakit Nirmala Neng sisih tengen pasar ana alas kota jejer pom bensin. Neng sebrang dalan sisih kiwe ana pasar kewan, jejere terminal kota Purbalingga. Seurunge dadi pasar Segamas, Ganu stadion Wasesa. Stadion Wasesa boyong maring lapangan Pagedangan, jenenge deganti dadi Stadion Goentoer Darjono. Pasar Segamas klebu pasar tradisional modern. Ora nana pendelengan sing cebrik, kemproh, sumpeg. Sing keton mung kepenak, omber, kena nggo ambekan. Pasar kiye bukake gasik, Bar subuh wis rame bakul-bakul golangan. Jam pitu manjat mulai rame. Tutupe kurang lewih jam papat sore. Beceran apa bae ana. Keperluan rumah tangga apa bae ana. Keperluan lan dolanan bocah ana. Toko emas pirang-pirang, Gari dhuite thok ana apa ora. Pasar kiye gedhe, Area parkire omber, Montor sing mlebu pasar bayar parkire sewu, Mobil mbayare rongewu. Sedhela utawa suwe ora nambah parkire. Ana tamane, Ana umah pemotongan kewan. Bakul-bakule kurang lewih rong ewu limangatusan. Sing tuku pirang-pirang. Ora mandheg-mandheg. Apa maning angger arep bada, Prepegan padha rebutan beceran. Sing paling maen, Pasar kiye dadi Pasar Percontohan Nasional. Purbalingga pancen maen. Purbalingga pancen oyee Kalimanah Wetan, 2 Januari 2018 Nembe tek kirimna maring gurusiana siki, kesuwun.