#Tantangan Hari Ke-514

# Oleh Sudjianto

//

Wulan Syawal iku arane wulan sakwuse wulan Siyam (Romadlon). Sakjroning wulan iki, khususe umat Islam ing Indonesia ono tradisi ujung (silaturohmi). Tradisi anjangsana marang kadang paseduluran.

Kajobo iku, miturut kalender Jawa, sakjroning wulan iki, akeh wong-wong sing duwe hajad. Ono sing mantu lan ngunduh mantu. Ananging ugo ono sing nyelamakke utowo ngitanake putrane.

Ing istilah agama Islam, nyelamakke utowo ngitanake iku den arani Ngislamake. Kanggone tumrap anak lanang dipotong alat kelamine supoyo dewasa utowo akil baligh.

Dene istilah mantu lan ngunduh mantu iku, sejatine duwe arti bedo. Mantu ngunu mujudake acara nganakkake keramaian (acara rame-rame) kanggo angluari hajad yaiku wedarake resepsi mantenan. Biasane acara iki dilaksanakakke ndek mantenan putri.

Dene ngunduh mantu iku, sejatine wong tuwo temanten kakung nganakke resepsi mantenan. Sing sak durunge wis kalaksanan ijab qoul ndek temanten putri.

Arane mantu, yaiku dieman-eman mesthi metu. Pancene akeh persiapan sing kudu dirampungake, mulai nganakake undangan kanggo poro tamu lan jumlah kondangan. Ugo ono persiapan pasogatan (menu utowo konsumsi) lan panggonan resepsi.

Sing paling cetho, nganti tumekane hari pelaksanaan (hari H) bakal akeh sing kudu diayahi (diwujudake)

** Lereng Lawu, Sabtu Malam, 14 Mei 2022