Mega

Apa sliramu uninga

Mendhung

Geneya wewujudmu banget njingkrung

Angin

Apa sira nora darbe isin

Candra,kartika durung tumeka

Bagaskara…murca sanalika

Bantala anjerit duhkita

Mapag gumrojoging tirta, datanpa warta

Tetuwuhan suka parisuka

Nora sithik titah padha ngundhamana

Mega, sliramu ora perlu kuciwa

Mendhung, ora ana kang bakal nundhung

Angin, terusna ngumbara gegayuhan lan pepengin

Candra, kartika, sabar sawetara

Bagaskara, tetepa sumunar wanci rina

Arepa wujudmu nora kawistara

Amarga sliramu mikul jejibahan karya utama

Dene bantala, sing gedhe pangapura

Kabeh mau wus piniji

Setya, tansah ngugemi prajanji

Kang Maha Widhi