Mambujuak Rinuak

Oleh Sulasmi

Rinuak ooo rinuak dima dirimu mandok? Lah labiah duo minggu awak ndak bercengkrama dan konser di dapur.

"Konser di dapur? Emang dapur rekaman? "

Manyalo pulo karupuak sipatu dalam asoi.

Iyo sanak. Kalau rinuak sadang musim sagalo paragaik dapua basilutu. Sakalian samba nan bahan dasarnyo rinuak salasai di ni sulaih dalam wakatu nan indak bisa dietong jumlah jamnyo nan abih. Abih jam ampek dibueknyo.

Baa ka indak sanak. Paragede rinuak ampek pakakehnyo. Panci tampek adonan sabalun baranang di kuali.sendok untuak lepas landas ka dalam kuali. Kuali panggoreng. Sudu pambangkik. Sudu panirisan paragede siap digoreng. Wadah tapek peristirahatan terakhir paragede cako.

Ha... Lah bara tu alat musik dapur ni sulaih nan beraksi. Itu baru samacam hasil akhirnyo. Alun lai palai rinuaknyo. Jo daun daun sato pulo maragu-ragu.

"Maragu-ragu baa pulo ko ni? Kalau ndak badaun batilanjang melai palai uni nantun"

Tambah karupuak sipatu.

Baa ndak ka maragu-ragu ragu pulo. Tampek nan lah panuah dek alaik-alaik musik cako, indak mambari ruang lai ka daun. Padohal baliau ko sabagai panantu kecantikan si palai kalua dari teflon pamanggang.

Antahlah pokok e cando urang ka baralek di dapua tun. Alun lae gulai rinuak kinco cubadaknyo. Bayangkan se lah sanak pakakeh nan tatilantang di dapua ni sulaih.

Kini? Jan ditanyo sanak. Dapua ni sulaih hening sunyi dari kehadiran rinuak sang primadona. Mek nyo baganyi.

Sabana taragak ni sulaih jo rinuak ko. Hari akaik pagi ni sulaih baniat nak ka tapi danau. Batandang ka persembunyian rinuak ko.

Sabananyo alun ado modal mambujuak rinuak tuak kalua. Alun ado kato-kato terindah nan dipersiapkan tuk menyentuh hatinyo. Modal nekat ni sulaih maajak kawannyo nan biaso diajak marantak labuah manamui rinuak. Sakalian bisa mamusyawarahkan kato-kato bijak nan tapek.

"Baa kok sarik na ni? "

"Kau juo baru. Asa ka manyolang se" bulancik ni sulaih ka karupuak sipatu.

"Bato pulo ndak ka sarik dek gau goh. Lah sapuluah hari pondok rinuak ko diindangnyo dek angin kabo-kabo. Kucun rinuak dek e"

"Raso ndak ka picayo se rinuak ko jo kata-kata manis nan waden produksi mah Puak"

"Uni gadang ota tun iyo"

Maleh ni sulaih malawan karupuak sipatu nan pasigujalai nantun. Sabab kecek e tu kadang-kadang ado lo batuanyo.

Mek iyo pulo. Lah tibo di tapi danau bakisa se mukasuik. Bukannyo temu ramah jo rinuak, ni sulaih barakik-rakik jo ponton bamasin ka tangah danau. Siaran langsuang lo tu. Nan diama lun pacah. Nan dimukasuik alun sampai.

Akan tetapi tibo di tangah danau takana tujuan cako. Bacari tampek nan rancak.sasuai jo suasana hati rinuak. Basampaikanlah mukasuik hati.

"Oh rinuak...... Pujaan hatiku

Sudah lama kita tak bersua

Rindu makin mendera

Lama selera menderita

Rindu hadirmu dalam belanga

Hendak kugulai dengan nangka

Datanglah engkau pujaan dapurku

Lama nian engkau dalam diam"

Oih..... Mangkuih sanak. Hari akaik ko dapua ni sulaih kembali dimeriahkan oleh konser rinuak bagulai jo cubadak

Pas disiramkan kuahnyo ka nasi sato lo karupuak sipatu maramikan.Lai tahu sanak karupuak sipatu? Karupuak jangek alias kerupuk kulik. Sipatu jangek alias sepatu kulit.

Itulah sanak usaha ni sulaih di hari nan sangaik paneh ko. Paneh badangkang urang sabuik. Baraia badan ka sabatangnyo. Bagalesoh manyantap gulai rinuak bakinco jo cubadak. Kok lai nan katuju. Kamarilah sabalunyo masam. Wkwkkwkwkwkkkk

#menulisitukebutuhan#

#menulisitumenyenangkan

#ilangkikpalodinyohahahhaha#