Rinuak Baganyi

Oleh Sulasmi

Antah dek karano bisiak nan lai kadangaran. Imbau nan lai ka nampak an. Rinuak nan marantau lah pulangnyo ka kampuang.

Onde sanak.... Pulangnyo tu co urang pulang basamo sangkek rirayo tun lo. Rami sangaik. Balirik-lirik oto gadang tu di tapi labuah sanak. Lai juo namonyo oto tambang ka jawa. Lindang dicater urang salingka danau.

Arok nak barirayo jo sanak famili di kampuang halaman, lai juo nan baru ka lahia. Diusuang ka kapuang di tapi danau cinto.Niat hati nak bakucindan sambia manggatok pensi jo manginyam sakalian makanan nan bahan dasarnyo rinuak.

Jadi tiok rirayo ka tibo sakalian isi danau bamusyawarah sasuai komunitasnyo. Mukasuiknyo mancari kato sapakat satantangan sikap nan ka diambiak masing-masing kalompok.

Ado nan mamutuskan mambuek anak banyak-banyak supayo sanang hati rang rantau. Ado pulo nan ka bakabe karano sakik hati jo para perantau.

"Baa kok sakik ati lo nyo ni? "

Ni sulaih danga gonjang-ganjing bahwa nan sakik hati ko karano haragonyo murah. Padahal nilainyo sangaiklah tinggi kalau dinilai dari ilmu pergizian. Tapi bak ja nyo lah. Asa jan marantau lo sarupo rinuak nan taralah.

Duo tahun mailang, kini rinuak ko alah pulonyo babaliak pulang. Akan tetapi perkembangan ilmu pengetahuan dan teknologi kapandaian urang sakuliliang danau lah maningkek lo satantangan caro maolah rinuak. Lah manjadi dendeng bagai rinuak ko sanak. Indak itu sajo doh. Bahkan rinuak ko manjadi tungkek pulo.

"Aih...... Nan ka iyo lah ko ni. Tungkek baa pulo"

"Iyo..... Ado stik rinuak"

Stik tu ndak samo jo tungkek Sanak? Marasai rinuak ko nampaknyo dipabagaikan. Tanpa setahunyo sabananyo rinuak ko lah mendunia. Mampu merambah pasar nasional. Bisa jadi isuak viral di pasar internasional.

Diliek dari kacomato kemajuan hal nan bak nangko merupakan nilai positif bagi masyarakat. Tapi nan namonyo rinuak. Aka kaciak co badan lo. Mako baganyi lah nyo. Ndakmuah manampakkan diri lae. Antah dima pulo lah nyo mandok kini tu ha.

Ditambah pulo jo angin kabo-kabo nan lah ampia saminggu labiah melanda nagari di tapi danau cinto nan ko. Majalaya jo nila se lah pucek-pucek pasi dihantam badai. Indak talakik makan bagai tu doh mereka. Berjuang bertaruh nyawa mempertahankan saku-saku induak samang.

Apolai rinuak. Ndak nyo bi nampak di permukaan. Pengusaha Kecil dan menengah nan mamaralukan rinuak kini duduak bamanuang mamikiaan bujukan jitu kapado rinuak. Semoga usaho mereka indak menhkhianati hasil.

#menulismengobatiresah#

#menulisituberkah#