Sulastri Lastone Peot 
Lahir di Kota Pati Jawa Tengah Ia bangga sebagai alumnus SMEA Negeri Pati jurusan Ketatausahaan yang telah mendidiknya untuk mampu mengetik cepat 10 jari Pro
Selengkapnya
Ula Naga Numpak Mobil Angkutan
Mbengi iki aku lagi sempat nulis, mergane ijek kelingan nek saiki dina Minggu. Aku keselen merga bar melu lomba njoget karo kanca-kanca guru TK Kecamatan Ungaran Barat ndhek ingi dina Setu, tingkat Kabupaten Semarang.
Kaya biasane ben dina Minggu, aku nulis nganggo basa Jawa logat Pati Jawa Tengah. Merga bar melu lomba, aku ape nulis crita sing tak alami ndhek ingi.
Ngene critane:
Lomba nari wong sepuluh ora ngundang tukang rias, merga aku isa ngrias dewe. Kostum tarine ya duwekku dewe. Ngirit poll pokoke.
Ben cepet, ana kancaku sing melu lomba, malah kepala sekolahku sing tak kon ngewangi medhaki. Rampung diwedhaki aku garek nyoreki. Wong siji gak butuh wektu suwe. Ora ana sepuluh menit wis rampung.
Rampung ndandani wong sanga, genti aku sing dandan. Aku ngrias lakone Baru Klinthing, jenis ula naga. Nyambi ndandani, aku diwedhaki kepala sekolahku.
Rampung wedhakan, aku garek nyoreki raiku dewe. Aku nggawe pola sisik nek raiku. Tak wenehi ‘eisedo’ ijo karo perak ben ketok kaya sisik tenan. Terus tak poles eneh nganggo potlot alis sing kandel, sing jenenge ‘eilener’.
“Bu, entuk nomer undi loro,” omonge kancaku.
“Oh, ya. Kudu luweh cepet ki.”
Aku ngebut ndandani raiku. Ben luweh cepet, aku ngongkon anakku Mbak Deccy moles ‘eisedo’ bagian rai. Sedheng moles rai, aku nggambar sisik nek tangan. Rampung nggambar genti anakku moles tanganku nganggo ‘eisedo’. Mbutuhna wektu sedhelok tok lehku dandan merga ngebut lan diewangi moles anakku.
"Barang-barang sing meh digawa disiapna, ya. Aku wis rampung dandan. Sing enom nggawa barang sing abot,” kandhaku karo kanca-kanca.
Tekan ngarepan nyegat mobil angkutan umum sing kosong. Alhamdulillah. Entuk mobil angkutan kosong.
Kabeh padha munggah. Aku linggeh mburi dewe merga sing kosong yo panggonan iku. Mobil angkutan mau kon ngeterna tekan Stadion Wujil.
Nek njero mobil angkutan aku selpi. Biasa. Emak-emak sing sok eksis. Aku gur mbatin thok. Kaya biasane wong Jawa nek muni untung. Untung mobil angkutane dicarter, dadi ogak ana penumpang liyane. Lha nek campur karo penumpang liyane lak ya repot. Mesthi padha mbatin. “Ana ula naga kok numpak mobil angkutan”.
Kab. Semarang, 22 Mei 2022
Tantangan hari ke- 554(154)
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Wow keren dandane
Keren menewen mbak.. Sukses selalu
Woh keren Bu. Bu Lastri multi talenta tenan
Keren banget Bunda. Totalitas tanpa batas. Semoga sehat dan sukses selalu.
Hahaha ... ular yg lembut penuh kasih sayang bunda
Wahh....pasti keren tur rada medeni...hahaha.. Sukses selalu non cantik..
Ana ula numpak angkot. Ulane ayu pisan...hehe... Muga sopir angkote ora semaput merga kaget... Kereen, Bu. Mugi wilujeng Bu Lastri.
Mantab ula nagane bu selastri semoga semakin sukses dan sehat selalu
Eh, maaf Bun. Tadi udah like tapi belum nulis komen. La habis ngakak duluan saya. Takut kualat saya. La mbayangin ada naga di dalam angkot. Wakakkak... Ups. Maaf lo Bun. Habis, keren banget make up nya. Bisa paaas gitu. Mbak deccy memang luar biasa juga.
Keren banget make-up nya. Pangling. Semoga sehat dan bahagia selalu Bunda.