Wulan Desember kiye murit sekolah arep padha nampa rapot semester siji. Let antarane bar tes nganti dinane nampa rapot kuwe rong minggu. Dina liang-liung nyong gole ngarani. Gurune kon padha ngolah nile, muride kon padha mangkat bae. Nek lagi kober, nyong niliki muritku neng kelas. Nek lagi ora kober, inyong neng kantor njinggleng angka-angka neng buku nile, muritku kon padha maca buku anyar sing tek silihna sekang perpus. Kenangapa ora kon prei bae ya? Kon padha ngrewangi rama biyunge nengumah tulih kanggo nggawe, daripadha si liang-liung nambahi duit sangu thok, kaya kuwe penemuku.

Lha neng WA inyong weruh pating sliwer kabar batir-batir padha plesir. Inyong ya tiron gawe status: dina liang-liung cocog nggo plesir. Utawane nyawang uwong nytatus plesir. Inyong kaget mbarang detakoni neng batirku, apa rika esih mlebu sekolah si Yu? Lah kiye bocah kepriwe, deneng takon kaya kiye? Genah urung prei koh. Dheweke semaur: aja ngrampas hak murid karo guru, prei koh mung seminggu. Banjutan inyong takon maring dheweke, lha apa rika uwis prei si? Dheweke semaur: ya uwis lah, mau bar nampa rapot. Ealah! Wis nampa rapot? Deneng nggonku urung ya?

Nengkene inyong nembe mudheng lamona inyong preine kur seminggu lan wektu rong minggu mesthine nggo preian bocah-bocah. Ningen inyong ya ora kongang mbegod ora gelem melu aturan. Ya uwis lah, delakoni bae sing ikhlas.