Dina kiye inyong kayong ora duwe karep nulis. Rasane kayong bebeh pisan. Neng grup si Pak Edi wis gasik, banene Endhase nggo ko, dhadhane nggo inyong. Nek de bayangna tah kayong agi crita ayam. Deneng ana dhadha ana endhas.

Inyong pancen urung kober mbukak. Sepisan, singal neng gonku klebu madheih. Ndlap ndlup ora kena nggo brayan. Wong upamane kepengin nglongok WA be kudu nggolet sing setrategis, ya kuwe neng ndhuwur mesin kumbah klambi. Pindho, Kangmase Inyong agi madan ora kepenak ngawak. Magene inyong agi kepengin tilik biyunge, kayong uwis lawas pisan ora ketemu biyunge.

Lha arep teyeng mbukak kepriwe neng kahanan kaya kuwe mbok lah. Kadhang—kadhang inyong ya nu kepengin mangler gole nulis. Ningen ya kuwe, sibuke pegawean neng sekolahan utawane neng ngumah, marekna urung mangler gole nulis.

Inyong tulih cokan ngungun maring bangsane Pak Ahmad, Bu Isminatun, Bu Mimin, Pak Edi, lan liya—liyane sing gole asok tulisan neng gurusiana meh aben menit paribasane. Iloken padha ora duwe kesibukan liyane apa yo, seliyane nulis lan nulis. Memperen tah kaya kuwe.

Inyong tau de protes neng anak lanang, jere ora seneng nek Ibu dadi penulis. Kenangapa si Nang? Inyong takon sebabe. Ya wong Ibu nek kaya kuwe dadi nyandhinge leptop bae lah, maring inyong dadi cuek. Hahaha, inyong dadi kegugu ora etung, ya kegugu, ya melas, ya trenyuh. Pangapurane ya Nang lah, biyungmu ora propesional gole dadi biyung brati kye lah. Ya wis. Inyong dadi nek nulis ngenteni bocah padha turu, utawane nek neng sekolahan ana wektu omber nggo nulis.