Siparinggas

Masalose namartadarus sabulan Ramadhan on, madung ditammatkon kajina. Manandahon bahasona madung salose malaksanahon ibadah puaso 1441 hijiriyah. Alhmdulillah leng miduk dopena naro namartadarus, bope ia marlakkap lakkap sadebana. Leng miduk juo do daganak ta nadohot martadarus.

Manjadi kabiasaan dihami, ulang sapai antong dalil Alquran dohot hadis na martammat. Apalagi buse adong panginum kopina, jungkir balik pe hita nadong pasuo naron i ayat alquran namanyuru martammat pake panginum kopi. Inda namambaen ajaran nabari, tartinggal adong sisi hapadean na, bope leng adong sisi naso pade. Secara umum leng unggok ma hapadean na dibaen martadarus.

1. Murak daganak namanjoranjor

2. Inda habis hepeng ni aya na manabusi marocun

3. Mandapat pahalo aya dohot uma na.

4. Muli ma malo mangaji Alquran

5. Tarida syiar Islam di huta niba i.

Sian haran ni i, salalu doi hami laksanahon namartadarus di masjid nami nadi huta on.

Mungkin adong saotik parbedaan na di huta nalain, molo iligin di hatia martammat. Bettak aha nahami tulison, marmanfaat tu akka maradu koum sisolkot sasudena.

Parjolo hami mangido maaf, molo hurang mangarti diaha nahami tuliskon on. Inda selain maksud nami manggunahon bahasa Angkol, anso sekaligus malestarion bahasa daerah ta. Harana sadebana huida, tu Medan dope ia manga ratto. Namalo be ia marbahasa kampung. Apalagi antong tu Jakarta ia, Loe! Nia buse doma tu damang dainang nia sadebana.

Mulak tu carito nami di ginjang, bahasona molo hami martammat, madung hami mulai sejak 8 taon nalewat. Adong mai dibaen ampolop, marisi hepeng. Bope ala kadar, paling bahat Rp. 50.0000. Guna ni amplop on, giot lehenon di daganak. Siparinggas gorarna saro hami, molo na makkail, guapak nai maon.

Amplop namarisi hepeng on, dilehen ma di beberapa daganak. Sebagai siparinggas, anso muli situtu taon nagiot ro. Adong beberapa ketentuan na.

Pertama : Ise naringgas dohot mangaji

Kedua : Ise naum jeges bacaan na

Tolu : ise na ringgas dohot sholat Taraweh,

Opat : Ise naringgas dohoh sholat lima waktu selama Ramadhan.

Molo adong isia pilih sada na opat kategori on, bisa mai mandapot amplop. Molo adong isia ha opat na. Goi ramai Rp. 50.000 isi ni amplop nia on. Molo sada do attong, Rp. 10.000 mai isi na. Jadi sude doi daganak mandapot jadina, bope marbeda beda jumlah na.

Inda ge sude daganak naso mambuat boru mandapat, di batasan do umur na ima 14 Taon.

Songon non ma hami baen, satiap taon. Sampe sonnari atong alhamdulillah leng torus doi mardalan. Sahinggo ima baen na umrame an doi, daganak harana adong harapan nia manjagit THR.

Kegiatan nasongon no nan, memang jarang dope nida on di baen halak. Hasil na, diluar ni Ramadhan pe leng nasai ribur doi daganak tu Masjid giot sholat. Bahkan nadung jadi poso poso hambeng, natoban, leng tarringgas doi ro sholat tu masjid. Songoni juo mambaen pangajian wirid yasin ni poso pos.

Molo disikola guar na ni halei reward, inda upah gorar na, tapi anso maringgas dohita tu masjid.

Tarsaima rakku jolo caritona. Mudah mudahan marmanfaat.

Selamat hari rayo tusudena namambaca tulisan nami.