Kareuwas nu Matak Was-was

Diserat ku: Yayah Rokayah

Hapunten anu kasuhun ka sadayana anu nuju maos seratan ieu. Simkuring rumaos, teu tiasa nyerat bahasa sunda anu apik, anu saluyu sareng undak usuk basa. Maklum masih diajar keneh. Nepangkeun, simkuring pituin urang Kabupaten Pangandaran.

Masih kabayang dina emutan, akhir Januari 2021 anu tos kalangkung, yen pun lanceuk (caroge) katarajang udur. Harita wanci ashar, telepon di rorompok teh kasada. “Kriiiing.......” Sim kuring geura enggal ngangkat telepon. Ari pek teh ti pun lanceuk di Kantorna. “Assalamualaikum, ummi enggal geura beresan kamar, acuk-acuk sareng peralatan tuang, dipisahkeun....ieu kedah diisolasi mandiri kumatak postif korona!” kitu saur pun lanceuk dina ujung gagang telepon. “Waalaikumussalam, innalillaahi, astaghfirullohaladziim......” Simkuring leuleus tur teu percaya. Nu kabayang teh sagala kasieun, hariwang, sareng sajabina. Awak ngadadak gemeter, kesang tiis kaluar. Kenging kareuwas nu matak was-was. Simkuring gancang lumpat ka cai teras ngala wudhu meh pikiran tenang jeung tumarima kana kaayaan. Urang kedah sabar nampi ujian kahirupan ti Gusti Nu Maha Suci. Simkuring gancang ngabaran Pak RT via telepon. Ti saprak harita, simkuring sakulawargi di isolasi mandiri dugi ka dua minggonan. Boro-boro ka Masjid sareng natanggi, ka Sakola oge izin WFH (Work From Home), kaleresan masih keneh ngajar online.

Wanci beurang dinten isukannana, simkuring indit gura-giru sareng pun anak anu tiluan, teu hilap si teteh nu mantuan di rorompok oge diajak ka klinik. Irung dicolokan dugi ka nyeri. Test swab antigen rengse. Wanci sajam hasilna tos kaluar. Alhamdulillah sadayana anu di test negatif korona, iwal pun lancek wungkul nu positif korona. Duka katepaan ti mana boa? Saur dokter mah OTG (orang tanpa gejala), mung tetep weh urang sadayana kedah waspada kana ieu wabah korona.

Seueur pisan tatanggi anu “ngalayad” via whatsapp. Diantawisna aya nu masihan doa sareng sumanget, oge katuangan sagala rupi ayana. Ti ngawitan bungbuahan, rencang sangu, sareng obat-obatan. Haturnuhun kana sagala rupi perhatosan, pidu’a sareng piwurukna. Alhamdulillah saatosna opat belas dinten, pun lanceuk di test deui, alhamdulillah negatif korona sareng sehat deui.

#NoBaper9

Profil Nu Nyerat

Yayah Rokayah, dilahirkeun di Ciamis ping 18 November. Pun Bapa asli Pangandaran Jawa Barat, pun Biang asli Pandeglang Banten. Namatkeun sakola ti Universitas Negeri Jakarta tahun 2004 jurusan pendidikan Matematika. Guru Matematika di MTs swasta Al-Mursyidiyyah Tangserang Selatan. Seneng nyerat di blog gurusiana kagungan Media Guru Indonesia (MGI). Kantos ngiringan pelatihan menulis anu diayakeun ku MGI sareng Kemenag Kota Tangerang Selatan di tahun 2020. Kantos nyerat buku solo sareng alhamdulillah tos aya 22 buku antologi anu digagas ku MGI tur penerbit anu sanesna. Seneng diajar sareng kenalan. Moto hirupna: mikir anu positif, kagungan elmu sareng diajar ngamalkeun. Tiasa dihubungi di nomor WA 081312550084.