NINI SANEM NGOMONG DEWEKAN
Nini Sanem, sebutane nini. mesti bae wis tua. Nanging semangate esih kaya wong enom. Anake telu wadon loro lanang siji. wis pada mentas kabeh. Nanging ora ana sijia sing gelem bareng saumah. Nanging Nini Sanem ora krasa yen dewekan,merga akeh sing mbatiri neng ngumah.
Senajan duwe anak telu tapi uripe Sanem ora ngendel-ngendelaken anake. Kanggo mangan pedinan deweke ider beceran maring perumahan, panggonan para piyayi tur sugih dhuit. kuwe anggepe Nini Sanem. Nyatane saben ndina dagangane entong. mbuh merga laris apa kepriwe inyong ora ngerti.
Sewijining ndina,Nini Sanem ora keton ider nanging lagi thongkrong neng tritikan dirubung batire sing neng ngumah.
"Kaya kiye dodol dagangane entong nanging ora nggawa dhuit. Ujarku piyayi dhuite akeh njukut beceran ya terus mbayar. senenge utang. Ujarku ya pada duwe mobil. berarti sugih,dhuite akeh. Aku dhuit sethithik nggo mubeng malah siki macet ora ana sing nggo kulak maning. Nyarutang sewulan nunggu gajian. ya..angger kae, pegawai teyeng cabat cabut nganah ngeneh. Angger kaya aku modale entong ya kari koloh jenthik. Apa kon puasa saben ndina, mangane sewulan sepisan?" Nini Sanem ngresula.
Sing dijek ngomong, meneng bae malah asyik mangan panganan sing disediaaken Nini Sanem. Keton ora melu mikir babar blas. Nanging Nini Sanem ya ora kesuh sing penting unek-uneke wis ditokna.
Senajan kasile ora piraha, nanging Nini Sanem duwe tanggungan pirang-pirang sing diempani neng ngumah. Biasane sadurunge lunga ider sing ditinggal wis pada wareg. Goli sarap ditinggoni neng Nini Sanem mbok pada rebutan.
Ancengane wis dipantha-pantha, dadi angger ana sing nrombol Nini Sanem mesti aruh-aruh..
Dela-dela Nini Sanem ajek ngomong karo batire sing lagi diadepi. "Ngeneh aja ngonoh-ngonoh. wis ana bagiane dewek aja nromboli nggone batire. Sing wis wareg nganah lunga dolan! Aja ngalah-ngalahna sing cilik". Nini Sanem nggodogi sing gede sing karepe mbedhal-mbedhal bae. Dasar ndableg sing gede uwal ucul sekang godogane Nini Sanem.
Wedi mbok ditukari sing gedhe, sing cilik pada ambring lunga ngedohi. Siki Nini Sanem nembe kesuh. njukut watu terus dipathakaken maring sing gedhe. Nini Sanem keton kerenge merga enek ngluruhi sing gede ora nggople.
Winihe ya ora mikir anake. Thal-thalan dewek nggoleti lanangan bae. Esih cilik ditinggal kawin maning. Aku sing repot dadi ora bisa mingser. Joraken mengko yen bali tek kurung kon ngeloni anake. Angger ana jago sing ngampiri tek gusah kon lunga.
"Ker...ker...". Nini Sanem ngundang uthuk sing miki bubar. "Ngeneh kiye dientongnya eman-eman. Dhedhek larang-larang koh. ora ngrasakna nggolet dhuit angel-angel". Uthuke pada mlayu nyedheki Nini Sanem. Uthuke ana sing aleman mlumpat neng pangkone Nini Sanem. Ana sing nuchuki tangane, njaluk didulang. Ambekan-ambekane kaya iya-iyaha.
Inyong awit mau mesam-mesam ngrungokna Nini Sanem ngomong karo ngempani ayame. Ujarku lagi ngomong karo sapa. Jebule renyom dewek ngomong karo ayam.
Nini Sanem...Nini Sanem...😄😄
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Hmm, mesake men yo si Nini Sinem, mogo urip sesok neng akherat kepenak yaa
Aamiin..mtrnwn. ttd Nini Sanem. haa..haa..
Kuwe,, asyik ngapake lakaa,,,
Kuwe urung dibrengkolang ayame. nembe dipathak watu. hee...kenalkah kosa kata itu bu Ferina?
Nini Sanem mbekayune Mini Dakem ...
Deneng pas temen ya pak. angger wong ndesa jenenge sing akeh mingkem2. haaa..
Nini Sanem mbekayune Mini Dakem ...
Melas temen nini sanem.. Anake donge pada pengertian kiri duit sing akeh
Anake juga pada bae rekaya bu. hee..hee...ndean. ddi brayan rekasa.
Nini-nini zaman now.
Klo nini jaman now adole lwt online pak Pras. bkn ider beceran.hee..hee..
Nini sanem ora dewek koh, kuwe ana bu yuli lg ngrungokna
Akhire ora dewekan. akeh batire. aba bu Dartini mbirengan. hee..hee
Salam nggo Nini Sanem
Mtrnwn putuku ttd Nini Sanem. hee..hee
He he..sing lucu nini Sanem nopo Bu Guru nggih...
Sing lucu ayame. ora ngrasakna nggolet dhuit angel. Haa..haa...
Nini sanem kreatif pisan nggayu
Nguda rasa batire ayam
Nini Sanem tanggane bu Yuli ? Moga2 ibu2 perumahan gagean mbayar. Nini Sanem semangat!!
Itu hy fiktif bu.
Dulure Nini Bonem aja aja, Jan gawe nggeglek koclak wetengku.
Dulure Nini Bonem aja aja, Jan gawe nggeglek koclak wetengku.
Dulure Nini Bonem aja aja, Jan gawe nggeglek koclak wetengku.
Pancen angger ora ngapak ora kepenak gih bu Les. hee..hee..
Nggeglek dadi kakehen ngetul kirim komentar
tp udu merga buyuten kaya nini sanem? hee..