NYLEKUTHAK

Nembe krungu tembunge nylekuthak utawa jahil wis wegah. Apamaning mereki. Bocah sing duwe watek nylekuthak biasane didohi batire, ora dikembuli. Ana ana bae polahe sing gawe jengkel neng ati. Nanging wong sing nylekuthak ora rumangsa menawa polahe utawa tembunge gawe lara ati wong liya. Umpamane kanca sekolah ngumpetna sepatune batire, sing duwe sepatu digawe pusing goli nggoleti sengsaya pusing lan jengkel tambah seneng. Maksude nggleweh nanging gawe gela.

Ana maning conto liyane bocah lagi ngadeg,kursine ditarik sekang mburi,pas arep njagong maning bocaeh tiba ngathang-ngatang. Sing nglorod kursi surak-surak kebungahen. Tan kocapa sing tiba kejengkang nyengir-nyengir kelaranen. Cilakane maning tiba njagong sing akhire ana benturan neng ula-ula sing merekna dadi bocaeh lumpuh ora bisa menyat. Pengglewehan kiye mbahayani pisan. Bocah ora ngerti rugi. Dadi kadang bocah nylekuthak nyenengna awake dewek nanging akeh gawe rugi wong liya.

Angger nylekuthake wong tuwa malah diarep-arep merga. Sing nylekuthak wong tuwa wis nganggo perhitungan pas karo tujuane, nggleweh,nggarapi batire supaya kaget, bingung,njebak gawe rame. Angger kaya kuwe sing gawe nylekuthak bungah pisan.

Inyong tau dijahili batirku. Mangkat reuni. Merga kancane dewek wis tuwa a ya senenge pada nylekuthak. Bar reuni terus kondangan. Bareng munggah panggung arep salaman karo penganten inyong nembe krasa jebule sandale selen.

Bali sekang kondangan sandalku tek potret tek kirim WA grup. Wong sing nylekuthak malah ngguyu nyekakak. Owalaaahhh...gawe wirang koh kebungahen. Nanging ya inyong ora jengkel. Pancen jebule tambah tuwa nylekuthake ndadi.😄😄😄