Banyu Langit

(Tantangan Hari ka-16)

#tantanganGurusiana

Bus sing tak tumpangi ing sak dawane dalan Madiun Solo, nggremet alon. Saya suwe saya banter. Penumpang sing mudhun halte, diganti maneh dening penumpang sing anyar. Lanang, wadon, ana sin tua, ana sing enom. Malah ketambahan pengamen, wanita ayu, umur telung puluhan.

Nggawa gitar cilik, kentrung. Dheweke wiwit methati senar gitar kentrunge.

Suara angin

Angin sing ngreridhu ati

Ngelingake sliramu sing tak tresnani..

Pengin nangis ngetokke aluh neng pipi

Suwe ra weruh senajan mung ana ngimpi

Ngalema

Ngalem ning dhadhaku

Tambanana rasa kangen ing atiku...

Semendhal rasaning atiku. Wanita sing methathi gitar karo nyanyi banyu langit iku, wis melu nambahi buneg pikirku. Aku kegawa swasanane lagune pengamen iku. Ora sedhih, nanging krasa banget nglangut.

Ora krasa eluhku melu tumetes nelesi pipi.

"Saumpama wae awakmu ngerti. Seprene aku isih ngenteni.

Pras, banyu langit sing ana ndhuwur kayangan kae. Tak enteni tekane, supaya bisa nelesi ati iki. Telung tahun kepungkur, awakmu janji jare lungamu ora suwe-suwe. Nanging? Nganti seprene awakmu ora kirim kabar babar bisan". Batinku muni.

"Mbak.. ." Aku kaget, wabita penganen sing wis kadhung nggaritake rasa ing atiku, ngethungake bungkus permen, karepe aku dijaluk ngisi dhuwit, minangka partisipasi kanggo lagu sing wis dinyanyekne. Aku bukak tas, ana dhuwit rong ewonan loro, tak lebokne bungkus permene. Dhrweke mrsem, ayu. "Maturnuwu." Aku manthuk. Aku njur mbuwang panyawang menyang njawa kewat kaca cendela.

Lakune bys saya banter, aku mung pasrah.

"Wis telung tahun Pras...". eluhku tumetes maneh..

Magetan, 1 Pebruari 2020

#tantanganharike16

#tantanganGurusiana