Banyu Langit (3)

(Tantangan Hari ke-31)

#tantanganGurusiana

"Pras, kepriye pawartamu saiki?" Aku mbatin. Nalika mudhun saka bus, aku isih kober noleh marang wanita Banyu langit sing ayu, pinter nyanyi. Dheweke ora mangerteni yen lagi dadi punjering pikirku ing bus kang tak tumpaki dina iki.

Wektu kang terus lumaku, isih kaya wingi uni. Saklungane Pras, kang jarene meng mbutuhake wektu sedhela, nganti seprene isih pancet. Padha karo dina-dina sakdurunge. Sepi. Mung kala-kala nalika aku mlebu gedung perpustakaan kampus, kang biasane tansah dilancani dheweke, saiki aku ijen. "Ijen tanpa awakmu Pras," aku isih mbatin.

Iki wis titi wancine kuliahku arep rampung. Isih kelingan nalika semana, lagi wae mlebu pertengahan semester siji, Pras mutusake ora bisa mbacutake studyne. Kudu ngalah karo adhi-adhne kang uga butuh biaya pendidikan. Cita-citanya Pras kudu kepunggel dhisik, wurung anggone nerusake program magistere. Saumpama isih terus, kudune saiki padha karo aku, ngrampungake thesis sing kurang sethithik maneh. Ah, aku mesem kecut. Jebule apa kang dadi impen durung mesthi dadi kanyatan.

"Pras, muga-muga ing wektu menko, embuh kapan, impen iku bisa dadi kasunyatan..."

Magetan, 16 Pebruari 2020

#tantanganharike31

#tantangangurusiana.