“Aku gak seneng karo wong siji kuwi, tapi...!”

Aku njawab yo ngono kuwi maeng. Yo ben..!, sak njeplak e lambeku pas ditakoki koncoku bab koncoku siji sing liyane iki. Pingin weruh sing tak maksud sopo ? Wong kuwi jenenge Daniel Octavianus Atmaja. Celukan ne Daniel. Eh, nek awakmu nduwe kenalan dukun santet, ngomong o neng aku yo lur..!

Lha nyapo kok aku gak seneng?. Ngene lho lur.!..asline aku masiyo ngomong nggak seneng ora terus artine aku blas gak seneng, mergakno saking seneng e karo wong siji iki, jujur aku ngomong malah walikane.. Nek wong Suroboyo, isok tak ilokno Mas Daniel kuwi wong sing nggapleki asli puool. Awakmu lhak ngerti to, wong Suroboyo, masiyo pas ketemu, yo gak nduwe masalah, yo tetep wae awakmu dipisuhi..ojok nesu sik..kuwi ben akrab yo. Njaluk rokok yo misuh, takok kabar yo misuh. Misuh e yok opo ?.. misuh yo misuh..pokok e yo ngono kuwi lhah..!.

Pisan maneh lur, ojok kliru lho yo. Ngene tak critani,..sik, endi kupingmu, rungokno yo.!. Koncoku sing jenenge Daniel kuwi maeng, asline bahasa Inggris e pinter. Yo mesti wae, wong kuwi mbiyen kuliah nok Perth, Australia. Mamulo nek ngomong boso londo kuwi yo cas cis cus wae. Nek awakmu tahu kuliah neng kampus UNESA,Suraboyo wong iki yo kadang kadang ngisi materi neng kono. Sekolah SMP opo SMA swasta neng Suroboyo, mesti kenal karo wong iki. Wong e wes tercemar..eh, kliru, ..wes terkenal..Pokok e nek nyangkut pendidikan neng Indonesia, wong iki maju sik. Polah e pemikirane kuwi lho, bedo karo wong liyane. Kudune bisnis, wong iki malah ngurusi pendidikan sing gak enek duit e..yok opo sih awakmu kuwi mas. Kliru milih dalan. Pendidikan maju mundur pantang terus ngene kok koen belo terus. Wes embuh mas, sak senengmu lhah., pokok e awakmu marem.

Oh, iyo, ojok ditakoki pekoro roso nasionalisme ne, pokok e nek onok sing arep mecah mecah NKRI, wong iki maju sik. Nek ngomong masalah keyakinan ne yo ora muslim sih, tapi wong iki peduli karo wong muslim sing moderat. Bola bali ngisi materi nek pondok pondok Islam, utamane pondok N.U , Tebu Ireng, Bumi Sholawat..akeh lah. . Otak e yo cerdas, carane nek ngomong yo angger njeplak wae, wong liyo nesu pora karo dek e, wes ora digagas. Tapi yo bener. Yo ngengkelan pisan. Embuh weton e opo wong iki.

Aku nduwe pengalaman, pas neng luar negeri karo Mas Daniel iki. Pas neng event lomba, kok onok sing ngelek-elek karo wong Indonesia opo gak adil pekoro ngurusi delegasi Indonesia, langsung dijak padu karo dek e. Aku weruh dewe yo. Nek perlu embuh gelas , cangkir po piring dibantingi kabeh pas mbelani delegasi Indonesia kuwi.

Mamulo kuwi, aku wes suwi gak tau krungu kabare wong siji iki. Mugo mugo ojok kenek Corona yo, eman soal e. Wes gak onok tunggal e. Termasuk yo klebu limited edition. Yok opo gak eman, nek ketemu karo aku yo kudu gegeran wae, ngejak gelut, yo kudu tak pisuhi wae, tapi nek gak enek yo tak kangeni. Aku gak weruh, sakjane iki sing nggapleki kuwi aku dewe opo mas Daniel iki yo.

Wes ngono wae yo. Masiyo aku gak seneng karo wong siji iki tapi tetep tak kangeni. Pamungkasane, dadi wong kuwi, masiyo musuhan opo gething mburu sengit, nek isok tetep silatuhami, yo omong omongan barang, ojok jothakan opo satru yo, lur. Wes, tak ngombe sik, aku ngelak..jare neng alam donya iki mung mampir ngombe thok.

Salam Literasi boso jowo.

Magetan14032020