Tantangan hari ke-94

#TantanganGurusiana

Tema : Muda Mudi berkasih-kasihan Bukik tinggi jo padang panjang Nan ka tigo pandai sikek Kasiah abih sayang tak hilang Antah jo apo hati kadi ubek

# Bukik tinggi jo padang panjang Ba belok jalan ka baso Iyo lai sabana sayang Lai ndak pamanyi bibia da sajo

# Payokumbuah basimpang ampek Basimpang jalan ka Limbanang jalo lusuah ikan tak dapek badan lah dingin dek baranang

# Basamo kito dulu di Padang Hati jo pikiran sangat sanang Dek uda lamo bana baranang La lupo jalan pulang

# pa'i kapasa mambali bakwan bakwan di bali hari lah sanjo bapisah badan jo parasain dek ulah sayang urang nan punyo

# Lamak duduak di pantai muaro Apolai jo urang nan disayang Bukan dek ulah sayang urang nan punyo Namun dek hati uda bana nan bimbang

# la masak padi rang tanjuang indak barayie masak juo bia 7 lampih di ambek gunuang nan di hati nampak juo

# La masak padi rang tanjuang Indak barayie masak juo Kok iyo lai nampak juo diambek 7 gunuang Apo buktinyo

# Pai ka pagai naik sampan sampan ketek balayar kain Habih pitih biaya pacaran adiak baralek jo urang lain

# Main- main ka kota padang Jan lupo singgah di bumi minang Kok dari dulu uda datang Tantu ndak talok dek urang maminang

# Yo la habih biaya pacaran Tolonglah uda rilakan Banyak salah jo kekhilafan Sakali lai mohon uda maafkan

# kapa balabuah di lautan pai mamanciang mancari ikan kok dulu kito sairiang sajalan Tapi kini den rilakan nan tamakan

# Rang Koto Tuo pai ka ladang rang pakan ambek pai ka pakan Jikok adiak bisuak ko sanang kanalah juo denai dalam rasian

# Tiok hari sananyan Denai pai ka pakan Antah sampai kapan Nan uda tetap dalam ingatan

# parahu cadiak baok balabuah balabuah ditarang bulan adiak jauah denai pun jauah bialah rindu bapusarokan

# Sadiah bana rasonyo perasaan Kok iyo rindu bapusarokan Mari kito mandoa ka tuhan Supayo kito dapek dipatamukan

# Batamu agak sabanta Walaupun sesaat Kok indak di dunia Bia di akhirat 🤭

#

Semoga bermanfaat.

Tambahan 17/4/2020