Pantun Suami istri Setia
Tantangan ke-214
#tantangangurusiana
Tiok pagi makan mi
Makan mi lamak rasonyo
Barapo pun pambarian suami
Istri harus pandai mansyukurinyo
***
Rancak makan nan alami
Elok bana untuak kesehatan
Syukur Alhamdulillah mandapek suami
Sungguh suami sangaik pangartian
***
Sanang bakumpua dinan rami
Banyak nak gadih nan tacelak
Tarimokasih banyak kapado suami
Ala mambari izin kuliah baliak
***
Urang kampuang pai baralek
Painyo diwakatu siap jumat
Semoga ilmu nan didapek
Manjadi barokah dan bermanfaat
***
Rancak bana diurutan partamo
Diurutan partamo biasonyo elok
Jikok Hubungan suami istri nan utamo
Karir dan cinto kan berakhir elok
***
Jadi anak jan panakuik
Urang panakuik payah hiduik
Jadilah istri nan panuruik
Supayo karir suami mambaik
***
Pai marantau ka nan rami
Hiduik di rantau jagolah diri
Senyum istri sumangaik suami
Kebahagiaan suami keberhasilan istri
***
Hari Rabaa Pai ka pakan
Pai baduo mambali salero
Dimuko suami jago perbuatan
Jan suko maninggikan suaro
***
Hari Rayo saliang basilaturahmi
Basilaturahmi ka rumah siapo sajo
Pandai manjago harato suami
Walau suami sibuk bakarajo
****
Makan samba ikan kalua
Sabana lamak rasonyo
Jikok suami malarang kalua
Tantu istri wajib mandanganyo
***
Kubang, 14/08/2020
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan