Taragak Komandan Regu...

#Tagur:011

"Rama dima dirimu? Kami taragak batamu Samo kamu?, kecek Ni Bed manalepon. Di grup WA alah dikecekannyo Pulo kalau nio basobok sambie bacarito karano lae sadang di Solok libur Isra' Mi'raj ko.

"Denai Sadang di Buper latihan Pramuka Samo Techno. Kalau nio kamari denaai tunggu ", baleh pasan di grup. Akienyo dibuek kasapakatan kalau basoboknyo di bumper sajo. Latihan samo Techno alah siap, nan urang -urang ko alun juo bih tibo lae. Tapaso Punggawa Techno ko disuruah manunggu sabanta dari pado maminyo surang Jo.

Alah hampir satangah jam alun juo bih nampak batang hidung wee do. Ditalepon grup kan supayo bisa manjawek kasado alahnyo. "Kami alah disimpang STM",jawek nik Bed nan baduo jo Melati nan sadang mambaok oto. Ndak lamo sudah tu,, basobok lah kami dI Muko gerbang. parkiran Pulau Belibis.

"Ndeh taragak wak Jo komandan regu ko, alah lamo indak basobok", kecek Melti baru turun dari oto. Alah sudah basalam jo cipika -cipiki kecek rang kini, kami bajalan ka. gazebo tampek duduek.

"Makan Jo lah godok ko sambie Wak nunggu Santi",kecek ni Bed. Bacarito lah kami kian kamari sambie mangulek-ngulek babagai. Macam godok. Ado godok pisang, godok ubi bagulo sarato godok sipuluik hitam bakarambie. "Ko godok simpangg musajik Kampung. Jawa mah Ndak", tanyo Denai ka urang nan. baduo. ko.

Ota ka ota, tadanga Lo urang azan Asyar. "Dima wwak sholat Asya", kecek Melti. Lah maengong suok kida tu Denai kecekkan"Awak sholat di mushola Buper SE. Kalau ttibo Sannttti Beko bia Inyo turuikan. Tagak kami taruih baranjak dari gazebo bakalan ka subarang.

Kironyo dak lamo kami sampai di mushola, Tibo Santi diantaan anaknyo. Alah bih siap kami sholat, indak tagak kami lansauang do, kami Bae maunjue-unjue sambie bacarito baliek. Indak ketinggalan bafoto-foto, bakodak ria. Dek lah panek lo duduek, kami bajalan-jalan di Taman Pramuka ko. Bafoto tiok sabanta, nan sumbarang gaya.

"Wak buek video lyrics sela waktu lah", ajak Melti. Iyolah samo Lo Gen Z nan bavideoan main buaian, lari-lari ketek sarato jalan -jalan di pergola I Love Solok. Alah hilang sajo amak-amaknyo, laah. Cosplay jadi abege Pulo Inyo.

Indak taraso, langieklah barubah warnanyo. Tando-tando ka sanjo lah mulai ado. Bagagehlah kami baliek ka parkiran Pulau Bbelibis baliek. "Sabalun pulang,,Wak makan mie ayam nan disimpangg. rumah Jaelana tu lah",ajak Ni Bed.

Dek tampeknnyo dakek dari Pulau Belibis, Indak pakai lamo tibolahh kami di simpang tigo ttu. Dek KA malam Minggu ttakahnyo, rami nana ko urang nan makan. Tapaso manuunggguan antrrian dibueknyo. Aakhienyo Lae dapek tampek duduak dan langsung pasan sesuai salero. Pasanan habieh, paruiklah kanyang. Suaro azan Magrib dari Mesjid Qadharui Yakin alah bakumandang. Sambie tagak diurakselo sajo jalannyo . Bubarlah kaami sorang-sorang lae karano nio magrib di rumah sajo.

***

Solok,, 18 Januari 2026