BAK CANDO MANAMPIH BAREH

Oleh : Ade Putra

#MenulisHariKe-257

Dahulu, kito acok mancaliak induak - induak manampih bareh. Padi nan alah batumbuak dalam lasuang, diambiak dan tampih manggunoan niru. Mato induak - induak yo sabana tajam, untuak manyisiahan ma nan atah ma nan bareh yang elok untuak ditanak. Katiko sadang manampih baitu pulo, bareh nan rancak lai tingga dalam niru, kalau nan atah nyo tabang surang kanai angin.

Filosofi manampih bareh, bisa kito jadian palajaran dalam iduik. Bisa kito kaikkan dalam hiduik bamasyarakat. Kok lai kayo urang tuo, kito lai dipandang dan diharagoi juo dek urang. Kalau lai bapangkek jo punyo jabatan, kito lai dimasuak an dalam ituangan dek urang.

Nyampang bak cando manjadi atah bareh, tantu kito akan dicampak an urang. jan kan dibaok ba iyo, dipandang se indak. Itulah hiduik, dindiang pamisah tu yo nampak dan nyato bana. Tingga baa kito mancari caro supayo iduik bisa kito syukuri. Satidaknyo atah bareh masih bisa digunoan, untuk makan taranak yang ado.

Dharmasraya, 27 September 2020