BIA NDAK LAPEH KIJANG KA RIMBO

Oleh : Ade Putra

Bia ndak lapeh kijang ka rimbo atau bia ndak pai si buyuang main, tapaso pintu muko kami ambek jo honda, dan pintu balakang kami gembok.

Alah saminggu ko, nyo kami palapehan main, mulau dari pagi sudah mandi, sampai sore. Kadang pulangnyo pai makan jo minum se nyo, sudah nyo pai main baliak.

Ndak abih - abih nyo bamain, basepeda, main pasia, main oto - otoan, main lari - larian. Yo sabana kuek fisik e, ndak maraso litaknyo do.

Yang kami takuik an, nyo kalatiahan, kesehatan drop, dan damam. Si buyuang kalau lah damam, mintak ampun awak dek nyo. Untuak itu tadi yo kami batasi nyo lai main. Lagian kawan disakuliliang nyo ndak lo ado bakeh bamain.

Pas pintu kami kunci tadi, bajadi nyo manangih - nangih. Ambo jo istri diam - diam se nyo, walaupun sakali - sakali badan kami nyo tinju e. Lah litak dek manangih, lah takalok se nyo surang.

Maafan papa jo mama yo nak, sangajo di kuruang demi kebaikan dan kesehatan anak bujang papa nyo.

Miss u anak bujang papa.

Tebo Jambi, 5 Juli 2020