CARITO HARI AKAIK
CARITO HARI AKAIK
Oleh : Ade Putra
#MenulisHariKe-236
Duo hari nan lalu, ambo manulih di group buku antologi Guru Penggerak, batanyo baa carito nyo tentang pengiriman buku. Kawan - kawan nan lain alah tibo bukunyo, nan ambo alun juo lai. Tantu yo jadi tando tanyo dek ambo.
Tibo - tibo tadi pagi, adolah WA masuk. Japuik lah ado paket ko a, soalnyo kami bisuak ndak ado diloket do kecek e. Ondeh mandeh, sabana gadang hati ambo dek nyo. Basigageh lah ambo maiduik an honda, langsuang tancap ka tampek agen tu.
"Uda yang punyo paket ko yo" kecek uni tu.
"Iyo uni, untuak awak ko mah"kato ambo.
"Soalnyo bisuak kami ndak ado disiko do, makonyo kami agiah tau uda" sambuang uni tu.
"Emang alah lamo tibo paket ko ni?" tanyo ambo.
"yo lumayan lamo da, labiah kurang saminggu yang lalu lah"
"Kok ndak ado ma agiah tau ka awak nih"
"Emang ndak ado dihubungi dek kurirnyo da"
"Ndak ado do ni" sambia manggarutu dalam hati.
Lah saminggu labiah paket awak disitu, ndak ado nak maagiah kaba do. Tapi Alhamdulillah, paket buku ambo lah tibo. Sanang bana hati kini.
Carito nan lainnyo.
Antah dek a lah paruik ko kini, alah mulai mamiliah miliah makanan kayaknyo. Biaso e apo nan nampak yo basungkah se nyo ( ups...mukasuik e dalam batas wajar nyo dunsanak).
Sia nan ndak suko jo jariang. Kalau urang minang, rato - rato suko samo jariang mah. Apolai ambo. Kok dapek tiok hari ado samba jariang handaknyo. Bia batambuah makan dek nyo.
Tapi kini, kayaknyo paruik ambo ndak bisa manarimo lai do, tiok makan jariang, acok ambo ka wc dek nyo. Mode aia se kalua e nyo. Antah apo lah sababnyo. Tapaso ambo kini diet lai dunsanak. Ndak ado makan lado, ndak ado makan jariang. Padahal stok jariang sadang banyak di dapua.
Semoga paruik ambo ko capek cegak yo dunsanak, bia ambo bisa makan jariang baliak. Hehehehehe.
Dharmasraya, 6 September 2020
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Segeh curito apak Yo. Salamaik Yo, pak. Mudah-mudahan baku apak laris manis dan berkah. Dan paruik capek cegak bia laris jariang amai-amai. Semoga bapak sehat selalu dan makin sukses dalam berkarya dengan ide-ide cemerlangnya serta berkah aamiin. Salam literasi
Semoga laris manis ya pak.
Jan manggurutu juo lai pak, alah sampai pakiriman. Nan jariang agiahlah kamari, jan pak Ade sungkah surang. Pado mancuru taruih. Hehe lasuah lo mambacoe pak Ade. Salam kenal pak Ade.
Baa ndak ka manggarutu awak buk, alah saminggu paket awak talatak tampek inyo, ndak ado di agiah kaba do
Hahaha....kiriman lah alamat ibuk, bia awak kiriman jariang tu a.Hahhaja...Yo buk salam kenal baliak