INDAK TATUKA

Oleh : Ade Putra

Razaki ndak kan tatuka, antaro kito jo nan lain. Jikok mancaliak urang manggaleh, baragam nan nyo jua. Katiko musim jariang mudo, uni - uni, etek etek jo amak amak, balomba nyo manjua jariang mudo. Di antaro inyo ndak ado nan saliang mamburuak - buruak an, ndak ado saliang batangka, karano urang tu yakin, razaki lah diatur dek nan diateh.

Baitu juo urang manjua ikan, indak surang atau baduo se yang manggaleh do, malahan banyak. Tapi urang manggaleh ikan tu, tetap sajo mahariak an ditangah pasa, mancari pambali. Ndak nyo bacakak do, karano urang tu yakin, razaki lah diatur dek nan diateh.

Panjua bakso nan kaliliang kampuang mode tu juo, walaupun lah ado pulo panjua bakso yang duluan tibo, nyo tetap masuak ka kampuang tadi. Karano urang tu yakin, razaki lah diatur dek nan diateh.

Jadi, ndak usah kito maraso tasaingi jo galeh nan kito buek. Picayolah, razaki kito indak tatuka jo urang lain. Fokus sajo pado usaho dan galeh kito. Nan pantiang kito badoa kapado nan kuaso.

#Manulih hari ka - 215

Dharmasraya, 16 Agustus 2020