JASO PAMBANTU

Oleh : Ade Putra

Dunsanak kasadonyo, apo dunsanak pernah mamakai jaso pambantu untuak bantu - bantu mambarasiahan rumah, untuak mamasak, manyuci baju, mangasuah anak, atau karajo rumah tanggo lainnyo.

Kalau ado, baa dunsanak mamandang jaso pambantu yang bakarajo di rumah kito. Apo hanyo sabatas karajo sajo, atau ado raso dunsanak samo pambantu tu.

Ambo pernah mandanga, sabagian pambantu nan karajo di rumah urang nan kayo rayo, mandapek parlakuan dari majikan nan elok. Indak hanyo sabateh bagaji, tapi labiah ka silaturahmi. Malahan pambantu ko lah nyo anggap sabagai kaluarga nyo surang.

Tapi ambo pernah pulo mandanga, sabagian pambantu dapek parlakuan nan ndak elok dari majikannyo. Majikan manganggap pambantu jo hanyo sabateh pambantu rumah tanggo. Ndak di ajak berbaur bagai do. Cukuik hanyo sabateh pambantu jo majikan se.

Sungguhpun demikian, nan namonyo pambantu, tantu gadang jasonyo dalam rumah tanggo. Sagalo karajo inyo nan malakuan. Kalau ndak ado inyo, tantu sabagian urang ndak bisa malakukan karajo rumah tu.

Tapi, jiko mancari pambantu, carilah urang nan jujur, rajin dan ndak banyak ulah. Jan sampai cari pambantu urang nan indak jujur. Bisa abih barang - barang nan baharago di rumah kito dek nyo.

#Menulis hari ke - 208

Dharmasraya, 9 Agustus 2020