MANCUCI PIRIANG
MANCUCI PIRIANG
Oleh : Ade Putra
#TagurMenulisHariKe-222
Dunsanak ambo nan laki - laki, lah pernah dunsanak mambantu urang rumah mancuci piriang?. Kok alun lai, cubolah agak sakali mancuci piriang nan saonggok gadang di dapua.
Lumayan panek dunsanak (kebetulan ambo mancuci piriang sambia duduak )jadi duduak lumayan lamo. Pas tagak, taraso bana pinggang ko rangkik rangkik. Kalau dunsanak baa, nan pernah cuci piriang, tagak atau duduak?.
Kok dikana, yo sabana banyak karajo padusi di rumah. Mancuci piriang, mancuci baju, mamasak, manyapu, mangasuah anak. Tapi padusi ko yo jarang pulo mangaluah jo karajonyo.
Yo sabana salut kito jo pangorbanan padusi untuak kaluarganyo. Kadang harus mangalah demi anak. Amuah baranti makan, katiko anak sadang tacirik. Amuah baranti makan, katiko anak nio manyusu.
Jadi, untuak kito para suami, sakali - sakali bantulah urang rumah. Satidaknyo mancuci piriang jadilah, dapek juo urang rumah kito istirahat dari karajonyo.
Dharmasraya, 23 Agustus 2020
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
yo bana tu pak Ade, satidaknyo lah taroso lo baa banyak jo paneknyo karajo uran padusi ko. haa...mantab
Yo Bana Diak. Ambo Acok basuah piriang. Yo panek tagak rasonyo. Ibu memang patuik disarugo
Zaman kini ko Ade Alhamdulillah alah banyak suami yang lai paham jo karajo urang rumahnyo, lai dibantu nyo, bahkan mancuci kain jo masak lai ikuik pulonyo, iru suami nan pengertian