Tarimo Julo - Julo

( Tantangan Menulis Hari ke - 54 )

#TantanganGurusiana

Si Upiak alah hampia satahun ikuik julo - julo ditampek etek Wida. Saminggu lai Upiak nan manarimo. Sangaik sanang hati upiak, piti julo - julo tu rencana ka nyo balian ka kurisi nan dari jati. Upiak maraso malu jikok ado tamu karumah, ndak ado tampek duduak mode urang - urang lain tu, hanyo duduak dilapiak biaso se kalau ado tamu ka rumah upiak

" Uda, minggu bisuak Upiak tarimo julo- julo "

" Ikuik dima lo Upiak Julo - Julo, dari ma upiak dapek piti tu ?".

" Julo - julo tampek etek Wida tu da a, lumayan da, Upiak narimo sapuluah juta "

" Dari ma upiak dapek piti salamoko, dek bisa ikuik julo - julo "

" Piti balanjo nan uda agiah ka upiak tu lah nyo, ba asiangan saketek - saketek sasudah balanjo ka pasa. Tu upah pai batobo da! ".

" Alhamdulillah kalau baitu upiak, uda kiro upiak minjam kian kamari, bia nak ikuik julo - julo tu "

" ndak lah da, di parak kito kan banyak pulo sayua - sayua tu, kadang upiak jua, pitinyo upiak tabuangan ntuak julo - julo ".

" Rencana ka Upiak pangaan piti julo - julo tu bisuak?".

" Upiak nio bali kurisi dari bahan jati tu da a, sabanta lai kan rayo tu. Jadi kalau ado tamu karumah, lai ndak dilapiak sajo nyo duduak lai "

Tibo - tibo babunyilah HP upiak ko, kironyo si Rio yang manalepon dari Bandung.

" Assalamualaikum. Amak! Lai sehat - sehat amak jo apak di rumah "

" Alhamdulillah sehat nak, Rio lai sehat ?

" Lai mak. Oh yo mak, rio paralu piti untuk biaya penelitian, kiro - kiro lapan juta lah mak "

" ondeh.....nak. amak paiyoan jo apak di rumah dulu yo, insyaa allah kami usahoan untuk Rio "

" Tarimo kasiah banyak yo mak".

***

" apo kecek Rio tadi Upiak?".

" Nyo mintak kiriman piti da, untuk biaya penelitiannyo "

" bara lo tu?".

" salapan juta da!"

" Pakai sajolah piti julo - julo upiak tu dulu, bisuak uda cari aka lo, untuak pambali kurusi tu "

Upiak hanyo diam dan tamanuang mandanga kecek apak Rio tadi.