Don't Call Me Pelakor

Parasaan indak lamak mambuek hati samak acok mancaliak abak paja acok singgah ka rumah Salodang alias sagalo gadang. Salodang ko antah upek antah puji untuak jando tu, inyo yo bohai. Ndak jaleh Abak Paja diraasuki apo sahinggo Abak paja acok pai maabihan hari perainyo mangawanan salodang bajaga, makan ditampek salodang. Habis bajaga, kadang kalua mungkin pai main mancaliak futsall atau apolah mano ka dapek basamo sajo jo Salodang. babarapo kali subuah, oto Abak Paja parkir dirumah Salodang, Jan- jan Abak Paja mangawanan siSalodang ko lalok gai ndak? Upss Ssst

***

"Dan barang siapa yang menutupi aib seorang muslim sewaktu didunia, maka Allah akan menutupi aibnya di dunia dan akhirat” (HR. At-Tirmidzi).

***

Kantua Abak Paja emang dakek karumah Sisalodang, dan Amak Paja tingga dikampuang. Amak Paja alun bisa pindah manuruik Abak Paja Ka kantua baru ko do. Amak Paja rumik syaraiknyo kalau pindah- pindah tampek karajo. Sakali duo minggu atau sakali saminggu biaso Abak Paja pulang kampuang untuak bakumpua jo Amak Paja dan anak- anak sadonyo.

Mungkin dek panek Abak Paja sagalo surang di tampek tingga yang nyo sadioan di kantua tu, masak masak lah surang, cuci baju surang, jo lalok lalok tapaso lalok surang. mancubolah singgah ka kadai Salodang. Salodang tiok hari bajaga surang mancari iduik jo lapau ketek disabalah kantua tu. Santun jo ramah Salodang malayani langganannyo minum kopi dan makan nasi. Masakan salodang lamak dan balinyo murah lo dari pado bali ditampek lain. kopi racik an Sisalodang yo bana mailangkan kantuak dan bisa lupo jo kopi buatan Amak Paja dirumah.

Batambahlah langganan salodang dek pindah karajanyo Abak Paja tadi. Nampaknyo abak paja yo bana betah manunggun Salodang bajaga. Soalnyo, sasudah makan jo minum kopi Abak Paja indak langsuang tagak bayia dan pai do, Abak paja main- main kan HP dilapau salodang manjalang Ampera Salodang laku sadonyo. Apo lai tanggal merah atau hari minggu, Abak Paja acok juo manunggun salodang bajaga. Mungkin Abak paja lah lupo kalau tanggal merah atau hari minggu sabananyo jadwal untuak pulang kampuang.

Amak paja asyik urus karajo dikantuanyo lo, hari minggu jadwal Amak Paja pai senam pagi- paginyo, siangnyo jadwal pai arisan dan sorenyo jadwal ka salon pulo, malamnyo siapkan tanago untuak pai karajo dihari senin. ndak taraso bana kalau Abak Paja lah acok ndak pulang dihari minggu.

*****

Kini lah hari senin liak, hari karajo. Abak paja karajo, Amak Paja karajo, Salodang karajo juo. Tapi senin kini, Abak paja manjapuik baju nan alah siap digosok dari rumah salodang. Jan- jan Salodang lah nambah usaho baru ndak? Loundry.

Nampaknyo, Loundry tu cuma untuak langganan istimewa sajo, alias Abak Paja, yang lain ndak ado nampak malatak an baju atau manjapuik baju siap gosok ka tampek Salodang do.

Abak Paja tambah manjadi- jadi nampaknyo. Kadang- kadang nampak parkir subuah- subuah oto Abak Paja dirumah Salodang. Panek dek modetu taruih, angin dapek amanat manyambaikan kaba bahsonyo Abak Paja dan Salodang alah nik*** si**. Urang kampuang langsuang agia titel baru ka salodang, Pelako*.

batua yo titel baru untuak Salodang? Lai ndak salah situ? Mangapo Amak Paja ndak namua pindah maurus sagalonyo nan manjadi karajo bini tahadok laki? harus lo Salodang yang gosok an baju, sadioan makan, mambuek en kopi? apolai musim hujan, mangarati sajo lah situ baa kondisi Abak Paja yang normal ko. Salodang cuma mancari iduik, ado Abak Paja maagia tumpangan walau dianggap penumpang illegal, dimano salahnyo? apo nik** Si** tamasuak aik? kalau Abak Paja babin** duo, baju Abak Paja bisa tangga dek Kapten,nio? kalau mintak izin, Amak Paja mano yang namua maagia izin kaAbak laki untuak batambuah bini? Abak Paja mano nan talok dijaman now ko cuci baju surang, masak surang, lalok surang dimusim hujan ko?

Bukak mato situ, koreksi bana elok- elok dolu, jan kalamak paruik situ sajo maagia urang lebel- lebel yang buek doso situ batambah, sadoalah Urang nio iduik ko membaik lo ma jo caro yang indak samo.

"......dan jangan pula sekumpulan perempuan mencela kumpulan lainnya, boleh jadi yang dicela itu lebih baik.” (QS. Al Hujuraat: 11)

Lindungi keluarga kita semua dari keretakkan RT ya Allah, Aamiin.....

Linggo Sari Baganti

Pesisir Selatan

Sumatera Barat

09 Februari 2020