Jambatan Aka
Jambatan Aka
Malompek urang malompek lo awak...urang ambu- ambu, awak bada. "Ukualah bayang- bayang Yuang, jan pai lo ka jambatan aka tu". kecek amak managahan anaknyo ka pai jalan- jalan ka jumbatan aka nan ado di Bayang Kabupaten Pesisir Selatan, "Mak ndak ado kepiang maisi bensin onda ang tu do nak oi, bacaminlah ang dolu, tu camin gadang dalam rumah a"...
Kalau di inok manuangan kecek mandehnyo...batua juo. ndak pantas anak SMP pai jalan- jalan ka jambatan aka di musim hujan ko jo onda do, bakompoi- kompoi jo kawan samo gadangnyo. bauru ara. Beko tibo malang sakijok mato, nyo bae tajilapak dijalan sia nan maagia kaba ka amaknyo? amak balapeh hao dirumah manunggu anaknyo nan ndak kunjuang pulang.
Atau tibo dijumbatan aka tu beko nyo bae mandi- mandi balumbo- lumbo, anyuik, siapo nan ka manolong? sajak ketek ndak ado mancuba diajaan caro baranang tu mode apo?
Marunguik- runguik sibuyuang indak dapek pai bagadang ati maisi tempo hari minggu ko do. hari minggu sahari ko apo salahnyo cuci sepatunyo, tasnyo atau nyo cari kayu api agak sakabek kaladang karambia tu a untuak mandeh, nak sanang ati mandeh maabuih aia angek untuak diminum saminggu ka muko.
Antah lah anak sikolah kini, kecek nyo anak jaman now... ari minggu harus lo pai refreshing kecek e...
"anak jaman now jaman now a juo lai ko... ndak ado istilah- istilah weekend do untuak anak- anak bada samode awak ko. Makan dan balanjo ka sikolah untuak besuak pagi ado, basyukurlah yo..jan pakai- pakai refreshing antu balawu pulo", sambuang amaknyo mandanga sibuyuang mandeh masih marunguik- runguik juo bakandak pai ka jumbatan aka.
Ndak jaleh di mandeh- mandeh jaman old istilah- istilah nan mode- mode tu do. Refreshing weekend dan lainnyo nan manjadi istilah- istilahanak jaman now.
Mandeh- mandeh jaman now harus cadiak maagia izin ka anak- anaknyo untuak pai weekend refreahing atau apo lah namonyo. Beko gayanyo mintak izin pai k jambatan aka antah- antah bakelok nyo gai pai nyo manyubarang ka pulau cinto. tibo situ tajadi beko carito cinto yang buek aik urangtuo.
Linggo Sari Baganti
Sabtu, 7 Februari 2020
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Lucu, sedikit ngerti, anak SMP jaman now yg suka jalan2 di hari Minggu, ke Jambatan Aka, ga mau bantu emaknya ....begitukah kira kira ....hehe soktahu.com
baru bisa masuk ke akun sini bu. makasih bu...
Batua uni, jaan di pabiyan anak bujang jo gadih pai baraun raun. Tajadi nan indak indak awak amaknyo juo nan seso.
dari tadi ga bs balas komen. e asword salah ketik. yo bu Desi
Kalau indak salah kininlah tanggal salapan ndak ni ?